Rozala-Suzanna van Ivrea
Rozala-Suzanna van Ivrea, (ca. 937 - Gent, 7 februoari 1003) was e dochter van Berengar II van Ivrea, keunienk van Italië, en van Willa van Toscane.
| ca. 937-1003 | ||||||
|---|---|---|---|---|---|---|
| ||||||
 |
||||||
|
||||||
 |
||||||
|
||||||
|
In 968 trouwde ze met Arnulf II van Vloandern.
Under jounges:
- Boudewyn IV van Vloandern
- Mathilde
- Odo van Koameryk (Cambrai), getrouwd met Odele van Bois Ferrand
In 988 stierf heur vint. Under zeuntje Boudewyn volgdeg hem ip, mo deudat 'n nog styf jounk was stound 'n ounder 't regentschap van zyn moeder.
Achter da ze weeuwe gewordn was hertrouwde ze me Robert II van Vrankryk, de zeune van de Fransche keunienk Hugo Capet, en ze veranderdeg heur noame van Rozala no Suzanna.
Hugo Capet had under huwelyk g'arrangeerd. Je was g'interesseerd omda ze Montreuil-sur-Mer en Ponthieu meebrocht, mo ze was ol mêer of viftig joar oud en wel twientig joar ouder of Robert II, die teegn zyn gouste trouwde. Van 't moment dat 'n ollêne keunienk was, hèt 'n heur an de kant gezet vo te kunn trouwn mè Bertha van Bourgondië, ’n dochter van Konrad I van Bourgondië.
Rozala-Suzanna trok heur were in Vloandern by heur zeune in Gent, woa da ze in 1003 gestorvn is. Z'is doa begroavn in de Sint-Pietersabdye, neffest heur êeste vint Arnulf II.