Stadswoapn van Brugge

’t Stadswoapn van Brugge goa were tout de 13e eeuwe en de kleurn wierdn ol gebruukt in de 14e eeuwe.

’t Stadswoapn van Brugge

’t Woapn wierd vo den êeste ki officieel gebruukt deur de Groaf van Vloandern in 1304. Da was ton Gwyde van Dampierre.

Ip ‘t woapn stoat er ’n azeurkleurige (blauwe) lêeuw, ip acht dwarse stikkn van zilver en keel (rôod). De lêeuw et e rooie tounge en rooie klauwn, e goudn krône en e blauwn band round z’n nekke met de letters S.P.Q.B. en d’r angt e kruusje an.

Boovn ’t schild stoat er e gekrôonde Gotische letter ‘b’. De lêeuw is verzekers overgepakt van de lêeuw van de groavn van Vloandern, mor in ’n ander kleur: blauw in plekke van zwart.

’t Schild wordt vaste g’oudn deur twi schilddroagers: e goudn lêeuw met e rooie tounge en rooie klauwn, en den oudstn beweuner van Brugge volgns de legende van den Brugschn beir, die e zilvern band round z’n nekke droagt. Ounder ’t woapn angt er e blauw lint met de Latynsche woapnspreuke: S.P.Q.B. in ‘t goud: Senatus Populus Que Brugensis of Besteur en bevolkienge van Brugge.

’t Stadswoapn is te zien boovn an de gevel van de Stadsschouwburg en boovn de voordeure van d’oude Civiele Griffie ip de Burg.