30 februoari

30 februoari komt vôorn in bepoalde kalenders, moa nie in de Gregorioanschn, woa da februoari 28 doagn telt en in e schrikkeljoar (om de vier joar) 29 doagn.

Romeins Ryk

De geleerdn Sacrobosco schreef in 1235 dat in de Julioansche kalender, tusschn 45 joar v.Chr. en 8 joar achter Chr., februoari 30 doagn telde in schrikkeljoarn. Keizer Augustus hoalde e dag of van februoari, omdat de moand augustus die noar hem vernoemd was evenvele doagn zoudt hèn of de moand juli, vernoemd noa Julius Caesar.

Zweedsche kalender

Zweedsche kalender februoari 1712

't Zweeds Ryk (in dien tyd tegoare mè Finland) makte plann vor in 't begun van 1700 over te stappn van de Julioansche kalender noa de Gregorioansche kalender, deur de schrikkeldoagn 40 joar over te sloan.

In 1700 was ter dus gin schrikkeljoar in Zweedn, mor in 1704 en 1708 wierdn der algelyk schrikkeldoagn toegevoegd. Doadeure liep de Zweedsche kalender 1 dag vôorn ip de Julioansche kalender moa nog assan 10 doagn achter ip de Gregorioanschn. In 1712 hèn ze ton een extra schrikkeldag toegevoegd en da joar was ter dus e 30stn februoari. In 1753 zyn ze overgegoan noa de Gregorioansche kalender. In da joar zyn de latste 11 doagn van februoari overgesleegn.