Auguste Rodin

François Auguste René Rodin (Parys, 12 november 1840 – Meudon, 17 november 1917) was e Franschn beeldhouwer die algemeen anzien wordt lyk de groendlegger van de moderne beeldhouwkunst. Zyn bekendste werkn zyn Den peizer, Monument van Balzac, Den tot, De Burgers van Calais en D' Hellepoorte.

Auguste Rodin

Vele van Rodin's werkn wierdn bekritiseerd, omdan ze botstn met de dominante figuratieve beeldhouwtradiesjes. Rodin was gevoelig vo de controverse roend zyn werk, moa je refuseerde van zyn styl te verandern.

In 1864 kwam Rodin Rose Beuret teegn, e joenge noaister, die de reste van zyn leevn zyn partner bleef en zyn model.

Tien joar lank, tusschn 1882 en 1892, beleefde Rodin e chaotisch amoureuze verhoudynge mè zyn 24 joar joengere leerlynge Camille Claudel. Moa je trouwde in 1917 mè Rose Beuret drie weekn vor heur dood. Tien moandn loater stierf Rodin zelve in Meudon.

Musea

In 't Musée Rodin in Parys en 't Rodin Museum in Philadelphia zyn vele werkn van Rodin te zien.

Andere musea mè zyn werk zyn:

• Musée Rodin de Meudon
• Musée d'Orsay in Parys
• Museum vo Schone Kunstn in Gent
• Beeldnpark Middelheimmuseum in Antwerpn
• Beeldnpark van 't Kröller-Müller Museum in 't Nationaal Park De Hoge Veluwe in Otterlo
• Hermitage in Sint-Petersburg
• Museo Thyssen-Bornemisza in Madrid
• Ny Carlsberg Glyptotek in Kopenhagen
• Metropolitan Museum of Art in New York City
• National Gallery of Art in Washington D.C.

• 
  Den Peizer (1880)
• 
  Den Tot (1882)
• 
  Monument van Balzac (1891-1897)
• 
  D' Hellepoorte (1880-1917)