Battlestar Galactica
Battlestar Galactica es een Amerikoanse TV-serie, of beter gezeid collectie van TV-series. 't Es een Science Fiction serie die hem in een niet noader bepoalde tyd ofspeelt.
Hôofdverhoal
bewerknOlhoewel da't er deur de tyd verschillende versies van gemakt zyn, es het hôofdveroal oltyd hetzelfde: het minselikke ras weirdt bykans hêlegans uutgeroeid deur een ras van robottn: de Cylons. Die robottn woarn ountworpn deur de minsn zelve, moar zyn ip een bepoald moment zodoanig intelligent gekoomn, da ze voor hudder zelvn kostn peizn en in ipstand gekoomn zyn teegn hudder moakers. Achter de grôten aanval van de Cylons ip de 12 kolonies van de minsn, moetn de lettere overleevndn ountsnappn me een vlote die beschermd weirdt deur het ênige gevechtsschip die overbluuft: de Battlestar Galactica. Om een doel te hein om noatoe te goan, besluut het restant van het minselik ras om noar de planete eirde ip zoek te goan, een planete die allêne moa gekend es van de geschriftn.
De verschillnde series
bewerknDe originele reekse
bewerknDe originele reekse es geproduceerd gewist in 1978 deur Glen A. Larson en es in 1981 uutgezondn ip de BRT. Olhoewel et ounderwerp nogol zwoar geloadn wos, wos de serie redelik lichtvoetig en ironisch van tôon. De hôofdrolln weirdn gespeeld deur Dirk Benedict (Starbuck, oek ekend van The A-team, woa dat 'n Face speelde) en Richard Hatch (Apollo, in de twidde serie doet 'n oek mei, e speelt Tom Zarek), en het contrast tussn de serieuze Apollo en de playboy Starbuck wos doarin de belangrykste rôodn droad. An het hôofd van de vloot stound Kapiting Adama (gespeeld deur Lorne Green). Andere personoages woarn Boomer, Baltar (de klassieke slichterik die overliep noa de vyand), Athena, Cassiopeia en de ounvergetelyke Muffit, holf hound, holf robotte. Der es êen seizoen van 21 ofleveriengn van uutgezondn.
Galactica 1980
bewerknDe tweede reekse bestound uut 10 ofleveriengn en ging vôorol over et werevindn van de eirde. Ze hoalde bylange nie het niveau van de êeste reekse en weird deur veeln beschouwd als êen van de slichtste science-fiction series ôoit gemakt.
Nieuwe serie
bewerknIn 2003 es 't er een drie eurn deurnde miniserie gemakt, met het originele veroal als achterground. Dat hoat zôveel succes, zowel by het publiek als by de pers, dat het de start wos van een nieuwe serie in 2004. Tot ip heedn zyn der drie series gemakt: êen van 13 ofleveriengn en twêe van 20 ofleveriengn. Olhoewel het ôorsprounkelik veroal dus straf bewoard weird (vôorol in de êeste serie), zyn der toch een aantal interessante veranderiengn:
- Starbuck es nu een vrouwe, wa da meugelikheid biedt tot mêer romantische spanniengn
- De cylons bestoan in drie uutvoeriengn: mechanische, raiders en humanoide. Die latste zyn nie te ounderscheidn van de echte minsn en zyn geinfiltreerd in de moatschappy. Da geeft anleidienge tot veel achterdocht en onbehoagn. Van de veschillende humanoide cylonmodelln zyn der verschillende kopieën. De twidde sôorte zyn de cylonraiders, da zyn ruumtescheepn, mo ze zyn ne cylon ip under eigen, der zit ginne piloot in.
De nieuwe reeks heit verschillende pryzn gehoald, ounder andere de Hugo Award for Best Dramatic Presentation en de prys van de beste TV-show van Time Magazine in 2005. In meie 2007 wos de êeste reekse te zien ip VT4.
Caprica (Spin off)
bewerknCaprica is 't verhoal van de 12 kolonies (surtout Caprica) 58 joar vôorn 'n anvol van de Cylons. 't Toogt hoe dan de Cylons emakt zyn en hoe dat 'n êestn Cylonôorloge begunn is.