Bison

Dat artikel es geschreevn in 't Noordelik West-Vlams.

Bison

Europeesche bizongs of wisents

Ryk:	Animalia (Beestn)
Stamme:	Chordata (Chordabeestn)
Klasse:	Mammalia (Zoogbeestn)
Orde:	Artiodactyla (Eevnhoevign)
Familie:	Bovidae (Holhoornign)

Geslacht

Bison
Hamilton Smith, 1827

Bison is e geslacht van eevnhoevige zoogbeestn in de familie van de holhoornign (Bovidae). Twèe bestoande en zes uytgestorvn soortn wordn erkend.

't Zyn typische eevnhoevign en ze trekn ip andere runders lyk vee en echte buffels. Ze zyn breed en gespierd met e wilde vacht mè lank hoar. Ze groeien toet 2 meter hoge en 3 meter lank. Bizongs zyn nomadische groazers en ze reizn in kuddes.

Soortn

De twèe overleevnde soortn zyn d'n Amerikoansche bizong (Bison bison) die allene in Noord-Amerika voornkomt en d'n Europeesche bizong of wisent (Bison bonasus) die in Europa en de Kaukasus leeft.

Bison bison (Amerikoansche bizong)
Bison bonasus (wisent of Europeesche bizong)