Johan De Stoop

Johan De Stoop (Brugge, 7 februoari 1824 – Roeseloare, 30 oktober 1898) was een West-Vlamsche componist, dirigent, pianist, organist en muziekleroare.

Leevn en werk

Johan De Stoop kwam uut ’n muzikoale familie. Je kreeg z’n eerste muzieklessn van z’n voader Frans De Stoop en loater van de Brugsche componist Jules Busschop.

In 1848 wierd ‘n organist in de Brugsche Sint-Gilliskerke en van 1856 tout 1885 wast ‘n muziekleroare in ‘t Klêen Seminoarie in Roeseloare woa dat ’n bevriend was me Guido Gezelle. Je zettege verschillige tekstn van Gezelle ip muziek, lik ’t Ruischen van het ranke riet.

In 1862 wierd De Stoop dirigent van ’t orkest Société de Sainte-Cécile, woavoorn dat ’n vele werkn schreef, lik de cantate Le concile in 1871.

Ounder invloed van de Groote Stooringe van Albrecht Rodenbach componeerdeget y in 1875 ounder andere Het lied der Vlaamsche zonen en Klokke Roeland. Vor em was zang styf belangryk in ’t muziekounderwys.

Loater ield ’n em meer bezig me liturgische muziek.