Leers
 Leers | |
|---|---|
| |
 Leers in 't arroundissement Rysel | |
| Geografie | |
| Regio | Hauts-de-France |
| Departement | Noorderdepartement |
| Arroundissement | Rysel |
| Kanton | Roboais-2 |
| Coördinoatn | 50°40′NB 3°14′OL |
| Ippervlak | 5,4 km² |
| Inweuners | |
| Inweuners | 9620 (2015) 1781 inw./km² |
| Andere | |
| Burgemêester | Jean-Philippe Andriès |
| Postcode | 59115 |
| Webadres | Site van Leers |
Leers es 'n stad en gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. 't Grenst an de gemêentn Wattrelos, Stêenpit (over de Schreve, mêer bepoald de dêelgemêentn Leers-Nôord en Néchin), Toffeloare, Lys-lez-Lannoy en Roboais. O de nôordkant van Leers lôopt et Kanoal van Roboais (Canal de Roubaix) die ier by de Schreve ooverlôopt in't Spierekanoal. Ip de Schreve, an de boane noa Néchin, ligt et gehucht Gibraltar.
Geschiedenisse
bewerknLeers en Leers-Nôord woarn langn tyd êen plekke geleegn in de kasselrye Rysel. By de Vrede van Oakn tusschn Vrankryk en Spanje in 1668 wierd'n an Vrankryk êenigte gebied'n gegeevn die nu in't uudige Nôorderdepartement liggn, wa nog ne kêe wierd bevestigd by de Vrede van Neymeegn in 1678. Mo deur 't oude feodoale systêem kende de schreve ip teffrente plekkn echter e vrêe ouneffn verlôop mè encloaves en excloaves. Der moste e commisje de grenzn deftig vasteleggn, mo 't deurde ton nog tout 22 ogustus 1769 êer der e grensverdrag kwam tusschn de Fransche keunienk Lodewyk XV en Maria Theresia van Ôostnryk (de Spoansche Nederlandn woarn oundertusschn ol d'Ôostnryksche Nederlandn). Leers wierd doaby hillegansn by 't Fransche keunienkryk gesmeetn. Kerkelyk bluuvde Leers pertank volln ounder 't bisdom Dôornik. Ôok liep de boane van Dôornik noa Mjinde twis deur Leers en zodoende over de schreve, wa de mienschn nie geirn ad'n mè da ze ton tol moestn betoaln. In 1779-1780 kwamter ounder Lodewyk XVI e nief verdrag. Leers wierd ezo nu in twêe gedêeld. Leers-Nôord kwam by 't Dôorniksche in d'Ôostnryksche Nederlandn, Leers-Zuud (ofte 't uudige Leers) bleef in de Fransche kasselrye Rysel.
Beziensweirdigeedn
bewerkn- De Sint-Voastkerke
- De meuln van Leers
|
Ofbeeldiengn die ier by passn ku je vien in de categorie Leers van Wikimedia Commons. |