Ostende

Dit artikel es geschreevn in 't Ostends, en da zou best ozô bluuvn.

---

Stad Ostende
Liggienge in 't arroundissement Ostende in de provinsje West-Vloandern
Geografie
Gewest	Vloandern
Provincie	West-Vloandern
Arroundissement	Ostende
Liggienge	{{{nb}}} NB {{{ol}}} OL
Coördinoatn	51°13′NB 2°54′OL
Ippervlak	37,72 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	71.332 (01/01/2018) 48,94% 51,06% 1891,09 inw./km²
Leeftydsipbouw 0–17 joar 18–64 joar 65 joar en ouder	(01/01/2013) 15,50% 59% 25,50%
Buutnlanders	10,26% (01/01/2018)
Weirklôoseidsgroad	10,29% (01/10/2018)
Polletiek
Burgemêester	Bart Tommelein (Open VLD)
Coaliesje	Open VLD, N-VA, Groen, CD&V
Zetels Stadslyste Open VLD N-VA Vlaams Belang Groen CD&V	41 (2019-24) 11 9 7 6 5 3
Dêelgemêentn me postcode
Postcode	Dêelgemêente
8400 8400 8400	Ostende Stène Zandvoorde
And're info
Zonenummer	059
Poliesjezone	{{{polz}}}
Webadres	www.oostende.be

Ostende is e Belgische stad in de provinsje West-Vloandern. Ze ligt an de Vlamsche Kust. Buutn Ostende zelve, zyn der nog e poar deelgemeentn, Stène, Mariakerke, Raversyde en Zandvoorde. Der weunn in 't geheel oast 70.000 menschen. Roend Ostende liggn de gemeentn Middelkerke, Gistel, Oedeburg en Brèènienge. In de Middeleeuwn laag Ostende an den oostkant van e schiereiland, Ter Streep. An de westkant laag Westende en in 't middent laag Middelkerke. De polder achter 't eiland liep allene by springty oender, twèè kèèren per joar. Deur d'inpolderienge kaamt de Ploate an 't vasteland te liggn.

Verkèer en platsjes

De stad is e belangryk verkèersknooppunt, en et byvoorbeeld nen aavn, e vliegpling en ne jachtaavn. De stoasje van Ostende is ook et endpunt van de tring, dus je moe doar ofstappn, oftewel direct were kèern, mo je ku wêl direct de kusttram pakkn, want dedien stopt ook an de stoasje. Je kut ook de ottoobus pakkn no de banlieue of een va de buutnlynen no Brugge, Gistel, Oedenburg, Veurne, Ichtegem, Klemskerke, Toeroet, Diksmude, Middelkerke en vele meer. In 't sezoejn kost je vroeger no Ieper en Bellewaerde me de bus, ma in 2012 e ze die liene afgeschaft.

E poar belangryke platsen in Ostende zyn 't Petit Paris; die name verwyst nog noa de tyd toun da Ostende twètalig was, 't Pêêrd (Leopold I pling), woa dat er e reusachtig standbèeld stoat van uze èeste keunink en 't Marie-Josépling. In 't centrum van de stad lig et Woapenpling met 'n schône kiosk in 't middn.

Beziensweirdigheedn

Kykt noa Bouwkundig erfgoed in Ostende dêel 1 en dêel 2

Cultuur

Ostende vanuut de lucht gezien

Ostende is ook de stad van artiestn gelik Arno, James Ensor, Leon Spilliaert, Constant Permeke, Gustaaf Sorel, Jef van Tuerenhout en Raoul Servais en entertainers gelik Kamagurka, Herr Seele, Gunter Lamoot, Lucy Loes, Preuteleute, ...

En vergit de Paulusfèestn nie te middn ogustus woar da je veel artiestn uut eign streke kunt zien uptreedn, vooral Lucy Loes trokt doa assan vele volk aze speelde.

J'et ook e ferme hardcore en punkrockscene, bekende groepn van by uus zyn oundermèer Death Before Disco, Dedicted, 7 works en Ladbroke.

De stoeten Ostendenoare, rond de joarn 1980-90 e satirisch weekblad, moa nu en mysterieuzn actiegroep die ’t gemunt êt ip de monumentn ter ère van keunienk Leopold II in Ostende. Z'en in 't verleden al e ki zyn and ofgezaagd.

In 't gehucht Raversyde ligt 't Provinciaal Doming Raversyde.

Et boegbèeld van Ostende is De zèe va George Grard, het standbèeld voorn het Casino Kursoal, deur de Ostendenoars Dikke Mathille genoemd. In 2005 is't er een discusje gewist of da't standbeeld ip eur oorspronkelikke platse ip de oostellienge moest gezet wordn, moa der was zovele trammelant doarteegn da ze toch moa beslootn en om et te loatn woar dat 't was. Z'en der ook e soorte van bier achter genoemd.

Toale

De tale van 't Ostens schèelt vele met andere dialecten in 't West-Vlams.

In Ostende (lik up vele plekkn an de kust), gebruukn ze in te plekke van de /êe/ de /èè/. Ze zeggn dus nie me men êen bêen in de zêe, mo me men èèn bèèn in de zèè (klanke lik de êeste i in illetriek, mor e bitje langer), of lik de twidde e in 't Fransche élève.

De grotste kenner van 't Ostens is Roland Desnerck. 't Ostens Woordeboek is van em.

Polletiek

De burgemèèster van Ostende is Johan Vande Lanotte. Mo in de gemèènteroad zittn der nog bekende gasten, gelik Geert Lambert, me ze groen brilletje, en nateurlik et Jean-Marie Dedecker doar ook in gezetn.

Bekende Ostendenoars

• Arno: zanger
• Constant Permeke: schilder
• Geert Lambert: polletieker
• Gunter Lamoot: kluchtigoard
• Herr Seele: têkenoare
• James Ensor: schilder
• Jean-Marie Dedecker: polletieker
• Johan Vande Lanotte: polletieker
• Kamagurka: tèkenoare
• Leon Spilliaert: schilder
• Lucy Loes: zangeresse
• Raoul Servais: moaker va animoatiefilms
• Wendy Van Wanten: zangeresse
• Rik Samaey: basketter
• August Beernaert: polletieker

Ofbeeldingn

Mêer ofbeeldiengn die ier by passn ku je vien ip Ostende ip Wikimedia Commons.

Externe koppelienge

• Oostendse Verhalen - Ne site in 't Ostends over Ostende, ze toale e z'n inweuners