Piekniekels

Piekniekels, wok wel gekend oender de noame piknikkels, piekniekn, pikkeniekn, nicknacks of karolientjes, zyn koeksjes die bestoan in drie vormn: de lettertjes, dedie met suuker vanboven derip en ton nog vierkante bloksjes met pottink tussen.

Iederêen kent de piekniekels beter van ot Sinterkloas komt. Ton smyten ze da in 't ronde, vooral vo de kleine gasten.

Uutdrukkinge

In 't West-Vlams zegn ze wok vele "ge zyt e piekniekel toch é gy". Wormee dan ze bedoeln da j' nen deugniet zyt.