Dilong

iDilong

Timäd fösilik: prim Kretata

Pated ela Dilong se
Mused Lamerikänik Natajenava,
New York.

Edadeadöl (fösil)

Dadiläd nolavik

Regnum:	Animalia
Phylum:	Chordata
Classis:	Sauropsida
Superordo:	Dinosauria
Ordo:	Saurischia
Subordo:	Theropoda
Superfamilia:	Tyrannosauroidea
Genus:	Dilong
Species:	D. paradoxus

Telnem

Dilong paradoxus
Xu et. al., 2004

Elaf Dilong (se Tsyinänapük: 帝 dì sinifü „lampör“, e 龙 lóng sinifü „drak“, o. b. „lampör-drak“; vöd: 龙 lóng „drak“ pagebon kösömiko in Tsyinänapük ad nemön dinosauris, soäs el „saur(us)“ in Vesüdän) binon dinosaur plümilabik smalik famüla: Tyrannosauridae se prim Kretata, pätüvöl in Fomam di Yixian in provin: Liaoning, in Tsyinän. Nem bida: paradoxus, binon fom latinik vöda Vöna-Grikänapükik: παράδοξον sinifü ta nol vönaoloveik. Dinosaur at älifon bü yels za 130-balions.

Binon balaf dinosauras balid ä primöfikünas famüla: Tyrannosauridae, e pätegon fa plüms. Nem obik tikodükon dö yüm no kösömik vü elaf T. rex e plüms: drak Tsyinänik miteodik, ab no pespetölo smalik ä plümilabik.

Plüms kanons palogön su skin efösiliköl göba e maxüla. No binons lölöfiko pedagloföls äs plüms nutimik: änelabons stagili zänodik e pägebons ad vamükön, no ad flitön. Els Tyrannosaurus daülik, in Alberta (Kanadän) ed in Mongolän petuvöls, labons skin efösiliköl, kels jonons jiniko te tegülis patedik dinosauras gretik votik. Mögos, das yunafs äbinons plümilabiks, ab äperons plümis dü glof oksik.

El Dilong älabon lunoti mö mets 1,6 e sevädon stabü bomems no lölöfiks fol.

Literat

Xu, X., Norell, M. A., Kuang, X., Wang,X., Zhao, Q., e Jia, C. 2004. Basal tyrannosauroids from China and evidence for protofeathers in tyrannosauroids. Nature, toum: 431, pads: 680-684.

Yüms plödik

In Linglänapük: