Evoye, Abråm (powinmes)

Èvôye, Abrâm. Sortir du patriarcat avec le premier patriarche ?

Evoye, Abråm (Èvôye, Abrâm. Sortir du patriarcat avec le premier patriarche ?), c' est on rcoy di powezeyes sicrît pa Joseph Dewez.

Il a vudî e 2023 dins l' coleccion « Di Walonreye » di Tétras Lyre.

Les powinmes e walon d' Liernu sont-st eplaidîs avou on redjårbaedje e francès.

ISBN 978-2-930685-67-0

Contnou

Li live conte l' istwere di Abråm, divant k' i fouxhe li påtriyåtche del Bibe.

C' est tos passaedjes del Djineze, comintêye tot-z atôtchant afrontêymint.

C' est on live ene miete feminisse.

Corwaitaedje

Tinme

Sapinse Baptiste Frankinet, ci live la, c' est on maxhaedje di roman a môde di letes, di powezeye et d' assaye. Por lu, c' est on live k' est foirt di nosse tins. Nén seulmint po l' disfinse del plaece des comeres dins l' societé. Mins eto paski, so l' cou-coviete, l' eplaideu rimimbere ene vraiye, kécfeye nén cnoxhowe assez : Abråm, c' est l' pere des creyants monoteyisses, djwifs, crustins et muzulmans.

Corwaitaedje do walon

Lucyin Mahin djudje li walon al leccion. Aprume les ratourneures po dire des sintimints u des eteradjixhmint inte persounaedjes.

L' ortografeye, a soûmint Feller-Léonard, shût on coirpusse erî-rfwait so l’ accint d' Liernu. Portant, li scrijheu n’ a måy cåzé walon estant ptit. Ni minme oyou ses parints l’ djåzer. Nén ddja ene miere djin l’ atôtchî e walon. Mins, dit-st i lu, « dji l’ a dins l’ oraye, la k’ il a moussî cwand dji rexheu dins l’ grande coû del cinse, et-z ôre les vårlets et les vijhéns el divizer inte di zels » (p. 11).

Po rtrover ci accint la, Djôzef Dewez a lî sacwants ôtes sicrijheu did la (come Jules Sabaux). Il a stî trover ene djin k' aveut fwait des rcwerances so l' walon d' avår la. Pacô, il ala-st acertiner li cogne di sacwants mots, tot splitchant les ALW, avou l' aidance da Bernard Louis.

Prezintaedje eplaidrece

Çou ki schôpeye li pus li corwaiteu del Rantoele-gazete, c’ est l’ repetaedje do tecse francès del Djineze sol pådje di droete. Çou ki fwait èn ocupaedje di papî po rén. Adon k' gn aveut on clapant ratournaedje e walon siné Lorint Hendschel. Houte di çoula, l' ouve Hendschel est metowe dizo libe licince. Dj' ô bén k' elle åreut minme polou esse riscrîte avou l' accint d' Liernu.

Hårdêye difoûtrinne

• (fr) Corwaitaedje do live sol waibe « Le Carnet et les Instants » (ene waibe del Federåcion Walonreye-Brussele)