Les aviretes da Keket (paskeyes)
Lès avirètes da Kèkèt
Les aviretes da Keket (Lès avirètes da Kèkèt), c' est on live avou totès ptitès paskeyes d' on tchet d' måjhon ki s' lome Keket.
L' ouve a stî eplaideye ås edicions « Le livre en papier » e 2023.
Tchaeke avirete est enimådjeye d' on dessén da H. Lison.
Istwere
candjîLes spoûles avént dedja stî scrîtes sol fén des anêyes 1980. Elle avént parexhou dins ene pitite gazete do Payis d’ Tchålerwè.
Dispu don, li scrijheu end aveut radjouté sacwantes.
Persounaedjes
candjîA pårt Keket, totes les spoûles djåznut da Djan et Mårtene, ses mwaisses.
Divins les persounaedjes diléreces, end a onk ki rvént mo sovint. Avou ça ki c' est on ciryin k' arive avou s' volante eschiele. I s' lome Zetrobu, motoit paski l' abwesson k' i boet l' pus voltî, c' est l' ôle di machene.
Tcheriaedje des paskeyes
candjîA costé do tecse do raconteu, gn a toltins des paroles sicrîtes e clintcheyès letes. Å pus sovint, c' est Keket ki nos livere ses comintåres so çou ki s' passe åtoû d' lu.
Corwaitaedje
candjîWalon
candjîLi stîle et l' motlî fwaiynut do live on scrijhaedje foirt åjhey a comprinde, tantea ki les aviretes polnut esse comprinjhes pa totes sôres di lijheus, pår les cminceus. Et ossur pa les efants ki trouvront seur ces ptitès fåves la foirt amuzantes.
Li walon est l' ci d' tos les djoûs d' après Tchålerwè. Portant gn a kékes passaedjes la ki li scrijheu est on pô pus avanciveus.
Ratournaedje
candjîCi live ci da Jean Goffart n' a pont d' ratournaedje e francès so les pådjes di droete. Contråvmint a Dji m' lome Meliye... u co Djins d' amon nozôtes.
Alére
candjîLucien Mahin, coirnêye des noveas lives e walon, Li Rantoele l° 107, waeyén-tins 2023.