brouwire

Walon (Rifondou)

Etimolodjeye

Tayon-bodje latén « brucus » (minme sinse) (mimne bodje ki brouhî), avou l’ cawete « -ire ».

Sustantif

singulî	pluriyal
brouwire	brouwires

brouwire femrin

(plante) basse plante avou on bwejhleus buk, et des belès ptitès violêyès fleurs, ki vént dins les teres a såvlon et a schayisse, ki florixh al fén d' l' esté, ki l’ sincieus no, c’ est : Erica vulgaris.
- Il alént côper del brouwire po stierni les biesses.
- Les ôtes vont-st a l’ avire, s’ arestant po khagnî des raecenes di , ou po touwer l’ innmi ki vs axhore tot hoûlant, pareys k’ ene binde di leus, ki s’ disputèt ene carcasse ! — Joseph Mignolet, « Al Bèle Fontinne », comèdèye di treûs akes, 1924, p.31 (fråze rifondowe).
- Fåt vey les påwions tcheryî del brouwire ås djniesses et des djniesses ås djeranioms des bwès — Lisa Chastelet (fråze rifondowe).
plaece ki ç' plante la î crexhe.
- On rashonne les djonneas des moxhes a l' låme ki n' ont rén fwait, et on evoye les tchetoeres a l' brouwire po k' elle î ramassexhe leu porvuzion.
- Les bierdjîs ramassént les berbis do viyaedje et lzès moenner dins les brouwires — Motlî d’ Tchonveye (fråze rifondowe).
- Bén vos avoz d’ l’ aplomb
  Do vni dvins nos brouwires cwand l’ brune kimince a dschinde,
  Ki les oujheas d’ måleur, londjinnmint fjhèt-st etinde,
  Des longous airs di moirt. — Joseph Vrindts, ”Vîx Lîge” (1901), p.188, “Li Brac’neu” (fråze rifondowe).
- Li cir anoerixh li brouwire
  D' ene grosse nûlêye ; vola k' i ploût !
  Li plouve va rimpli les trouflires
  Fjhant del Fagne on dandjreus borboû!— Louis Lagauche, "Les belès-eures" (1928), p. 108 (fråze rifondowe).

Ratourneures

få d' brouwire : få a court mantche, sins pougneye, po-z aler soyî ås brouwires.
pupe di brouwire : sôre di pupe fwaite avou li bwès des raecene di brouwire.
del låme di brouwire : låme di moxhes ki les tchetoeres sont so on payis d' brouwires.
aler ramper l' brouhire

Parintaedje

(minme sourdant etimolodjike)

brouhî

Mots d’ aplacaedje

Sinonimeye

(plaece avou bråmint di ç' plante la): hé (bwès d' bouxhons et d' brouwires)

Rilomêye do mot

Li mot dins on tite di live, di gazete, di soce, di marke

Des croes dins les brouwires live da Edmond Wartique & Edouard Thirionet, ki raconte li vicåreye d' on prijhnî e l' Almagne tins del guere 1914-1918.
a Brouhire : no d' ene plaece d' Atrivå, so plaece Brouyîre.

Ortografeyes

Divant 1900 :

brouwîr : E203 ^(lére)
brouwir : E177a ^(lére)

Après 1900, foû rfondou (Feller, Feller ricandjî, nén Feller) :

E rfondou walon :

brouwire : R10 ^(lére)
brouhire : R9 ^(lére), R13 (rifondaedje ricandjî enawaire)

Ratournaedjes

pitite plante ås måvès fleurs

Francès : bruyère ^(fr)