calinreye

Walon (Rifondou)

Etimolodjeye

Bodje «calin», avou l’ cawete « -reye ».

Asteme ! Ci mot ci a on scrijha « -in- » ki n’ si prononce nén a môde di naziåle /ẽ/ mins /in/, çou ki respond a on scrijha Feller « -in′- ».

Prononçaedje

AFE :
- prononçaedje zero-cnoxheu : /ka.lin.ˈʀɛj/
Ricepeures : ca·lin·reye

Sustantif

singulî	pluriyal
calinreye	calinreyes

calinreye femrin

faitindje d' on calin.
- I n' a k' totès calinreyes e coir.
- C' est ene calinreye ki di forpréjhî insi. — Motî Forir (fråze rifondowe).
- Tos les toûs, totes les calinreyes,
  K’ on rtrouve e fond del crapulreye,
  Ki fjhèt les voleurs, les moudreus,
  S’ abatît come on côp d’ tonire,
  So les deus djonnes priyesses mankés. — Joseph Vrindts, ”Vîx Lîge” (1901), p.85, “Li Vôye di l’Eglise” (fråze rifondowe).
- Si badjawe, c’ est del verdjale ki prind les ptits oujheas k’ endè vont-st a l’ avire sins tuzer ki l’ monde est plin d’ calinreye ! — Joseph Mignolet, « Al Bèle Fontinne », comèdèye di treûs akes, 1924, p.7 (fråze rifondowe).
- Tos les payis serént d’ acoird inte di zels, dj’ a les pinses k’ i n’ fåreut wai d’ tins po mete l’ ahote a totes ces calinreyes la. — Joseph Lahaye (fråze rifondowe).
- C' est bén cisse feme la, dowê, ki dene tant des mehins ås ovrîs di vosse societé, et ki to lyi vous fé payî po totes ses metchanstés et ses calinreyes. — Lucyin Mahin, Vera (fråze rifondowe).
- I s’diva bin fé ine îdèye portant, al fin dès fins : ni valéve-t-i nin mîs dè d’ner a l’Inn’mi ine saqwè d’bê èt d’bon èt d’djusse, qui d’lî lèyî apotiker a costé ine keûre di calinerèye ? — Arthur Xhignesse.
codujhance d' on calin.
- Pol prumire feye dispu k' les Boches avént corou evoye, dj' a aprindou k' el metchansté et l' calinreye avént rintré divins les teréns d' fotbal. — Richard Joelants (fråze rifondowe).
- Djezus djåza: "Vos, djins ki sont sins nole fwè et plins d' calinreye, disk' a cwand serè dj' avou vozôtes et fårè-t i ki dji vs sopoite ! — Jean-Marie Lecomte, Evandjîle sint Luk (ratournaedje) (fråze rifondowe).
laide keure di gamén, po rire .
- I s' fala bén vite rinde conte del calinreye: les clotches k' estént revoye a Rome dispoy li djudi sint n' estént nén rivnowes (P. Renson).
- Portant, nos våréns ont-st eveye DI lyi djower ene fene calinreye — Jean-Guillaume Levaux (fråze rifondowe). (ratournant Simon et Linåd)

Ratourneures

fé des calins : fé des niches.
dire des calins : dire des laids mots, u des måhonteusès sacwès.
F. dire des obscénités.
sins calinreye : sins l' idêye do fé do toirt.
- On cårpea k' aveut, sins calinreye, hapé on cantea so l' hopea, riçuva so s' narene ene gnoke da Diu l' pere, k' on etinda peter l' oxhea. — Jean-Pierre Dumont (fråze rifondowe).
F. sans méchanceté, sans l'intention de nuire.
si taper el calinreye : divni on vårén.
- Des femes insi sont cåze kécfeye K' èn ome si tape el calinreye — Motî Forir (fråze rifondowe).
F. se débaucher.
grande calinreye : codujhance des grands calins (k' atakèt les bankes, ki n' ont nole ratna po touwer ene djin s' i fåt).
F. grand banditisme.