moirt

Walon (Rifondou)

Prononçaedje

• AFE :
  • diferins prononçaedjes : /mwaːʀ/ /mwaʀ/ /mwɛːʀ/  ^{aschoûtez lu}/mwæːʀ/ /mweʀ/ /mwɛʀ/ /moːʀ/ /mɔ̃ʀ/ /muːʀ/ miersipepieuzmint e l’ notule ALW 1.62 ; (betchfessî oi).
  • prononçaedje zero-cnoxheu : /mwaːʀ/
• Ricepeures : nén rcepåve

Etimolodjeye 1

Tayon-bodje latén « mors » (minme sinse).

Sustantif

moirt femrin todi singulî

1. moumint k’ ene vicante sacwè (djin, biesse, plante) mourt.
   • Dj’ a stî tote brouyeye avou l’ moirt da Albert.
2. estance d’ ene djin ki n’ vike pus.
   • Dj’ a morou tola, mins dj’ a vnou foû del moirt — Albert Lovegnée (fråze rifondowe).
3. djin ki n’ vike pus.

• 
  (sinse 3) Des moirts.

Ratourneures

1. mori di s’ bele moirt
2. c’ est sont come les pourceas ki n’ fijhèt do bén k’ après leu moirt : dijhêye po onk k’ on voet evi.
3. bele moirt : moirt naturele (sins maladeye ni accidint).
4. moirt subite : moirt tot d’ on côp, divant l’ ådje.
   1. Moirt Subite : no d’ ene marke di gueuze.
5. Si l’ moirt mi prind, si l’ moirt mi strind, ki ni curé ni priyesse n’ poye vini a tins, vinoz nosse såveu Djezus-Cri å Sint-Sacramint : (e l’ eglijhe catolike) viye priyire divant d’ mori, ramexhnêye di J. Calozet.
6. conter tot disk’ al moirt do tchet : raconter vormint tot, minme çou ki n’ sieve a rén.
7. souner a moirt : sounaedje especiål des clotches po dire k’ i gn a on moirt e viyaedje. Ode: souner l’ transe.
8. hoûler a moirt : hoûler come les leus, tot djåzant d’ on tchén, et k’ on creyeut k’ ça anoncive on moirt.
9. Triyingue del moirt : dins ene batreye militaire, plaece ka k’ i gn a bråmint des touwés.
   • Holindje, Lutrubwès, Viyé-l'-Boune-Aiwe : a l’ Ofinsive, c’ esteut l’ triyingue del moirt; on djoû rprind des Amerikins, li londmwin des Almands.

Parintaedje

• mori, moraedje, moreu, mora, morant
• ramoirt (moirt et ramoirt)
• rimori
• amoirti, amoirtixhmint, amoirtixhaedje

Mots d’ aplacaedje

• a moirt
• poenne di moirt

Sinonimeye

• (moumint del fén del veye) : moraedje

Mots vijhéns

• (persounifiaedje del moirt) : Fåtcheuse
• (moraedje nén naturel) : touwaedje, moude

Rilomêye do mot

Li mot dins on tite di live, di gazete, di soce, di marke

• «Li moirt di l’ åbe» long powinme da Henry Simon.

Ortografeyes

Divant 1900 :

• moir : C9a ^(lére)
• amuar (a moirt) : E212 ^{([[:oldwikisource:fr:Dictionnaire wallon-françois (Villers)/amuar (a moirt)|lére]])}
• muar : E212 ^(lére)

Après 1900, foû rfondou (Feller, Feller ricandjî, nén Feller) :

• môrt : O0
• mwért : E1
• mwârt : C1, C13, S117
• mwèrt : E165
• mwart : C8, E21, S0
• moûrt : O4

E rfondou walon :

• moirt : R10 ^(lére), R13

Ratournaedjes

moumint kel veye eva

• Arabe : موت ^(ar) = مَوْت =‎ mawt; وفاة ^(ar) = وَفَاة =‎ wafah
• Arabe marokin : موت ^(ary) = مْوْت =‎ mot
• Almand : Tod ^(de)
• Inglès : death ^(en)
• Espagnol : muerte ^(es)
• Francès : mort ^(fr), décès ^(fr), trépas ^(fr)
• Neyerlandès : dood ^(nl), overlijden ^(nl)
• Rûsse : смерть ^(ru)

Etimolodjeye 2

Tayon-bodje latén « mortuus » (moirt, d’ on mimbe, anixhilé, d’ ene lwè, flåwe).

Addjectif

	singulî	pluriyal
omrin	moirt	moirts
femrin atribut	moite	moites
femrin epitete (todi padvant)	moite	moitès

moirt omrin

1. ki n’ vike pus, po ene djin.
   • Il est moirt dispu bele ådje.
   • Nonår (intere do poice, li colon moirt el mwin ; - tot mouwé) – Mwaisse, el fåt i cori ?
     Matî (sins s’ ritourner) – Cours lu ! — Henri Simon, « Li bleû-bîhe » 1886, (eplaidaedje da Jean Haust e 1936), p.24 (fråze rifondowe).
   • BERNALMONT. […] Mins vola, wice e-st i ?
     BODSON. – Moirt, lieutnant, creyoz m’. — Joseph Mignolet, « Al Bèle Fontinne », comèdèye di treûs akes, 1924, p.14 (fråze rifondowe).
   • Dji vou aveur li fén mot so çou k’ on dvénrè après, cwand k’ on serè moirt — Émile Gilliard (fråze rifondowe).
   • On n’ houkive li docteur, torade ki cwand on-z esteut cåzu moirt — Georges Ghys (fråze rifondowe).
   • Bråves vîs pere-tåyes, moirts po nosse liberté, coûtchîs dzo l’ pire, doirmoz todi e påye Modele:JPie
2. ki n’ sait pus bodjî, d’ on mimbe.
   • Dispu l’ accidint, mi gåtche djambe est moite.
3. ki n’ vike pus, d’ on texhou biyolodjike.
   • I fåt rsaetchî les moitès tchås.
   • Nole trace di l’ ôte såjhon … Siya ! Des moitès foyes
     Å pî del håye d’ årdispene tote floreye. — Jules Claskin, « Airs di flûte et autres poèmes wallons », édition critique de Maurice Piron, 1956, « Dixmude », 1916, p.25 (fråze rifondowe).
4. k’ on n’ sint pus, tot djåzant d’ on boket do coir.
   • Ça m’ lance des côps dins les doets : ti n’ direus k’ ça est moirt
5. k’ on ndè cåze pus, ki n’ rote pus.

   Loukîz a : moite aiwe, Moite-Han.

   kesse moite :

   a) kesse k’ on nd a bråmint djåzé ki l’ dossî est cloyou, polbon.

   F. " affaire classée".

   b) margaye å tribunå k’ on-z a pierdou.

   moite sititchete, moite cawete, moite betchete : (linwince) cawete, betchete, foirt viyes dins l’ lingaedje, et ki n’ plèt pus esse eployeyes po fé des noûmots.

Notule d’ uzaedje

• Po l’ ratournaedje francès walon di fråze come « il est mort », on pout aveur « il a morou » si « mort » est pårticipe erirece (fråze d’ accion) et « il est moirt » si « mort » est addjectif (fråze di sitouwåcion). Loukîz a : « mori ».
• E walon, a Lidje todi, on dit pus voltî « vo-l'-la moirt » k' « il est moirt »

Ratournaedjes

1. tchaire moirt; toumer moirt: mori tot d’ on côp.
2. moirt et ramoirt

Parintaedje

• ramoirt
• moirtasse

Mots d’ aplacaedje

• moirzive
• moirt-né
• moirt-poy
• moite aiwe; Lamortawe
• Moite-Han
• tchôke-moirt

Sinonimeye

• (ki n’ vike pus, d’ ene djin) : ralé, revoye, ramoirt (moirt et ramoirt)

Ortografeyes

Divant 1900 :

• moir, moite : C9a ^(lére)

Après 1900, foû rfondou (Feller, Feller ricandjî, nén Feller) :

• mwért, mwète : E1, G201
• mwârt, mwâte : G201
• môte femrin : C8
• môrt, môte : G201
• moûrt, moûte : G201
• mwârt, mwate : C1, G201, S117
• mwart, mwate : C8, S0
• mwêrt, mwète : G201
• mwârt : C13, C99
• moûrt, moûrte : G201, O4
• môrt, môrte : G201, O0
• mwart : E21
• mwèrt, mwète : E165, G201

E rfondou walon :

• moirt, moite : R10 ^(lére), R13

Ratournaedjes

ki n’ vike pus, d’ ene djin

• Francès : mort ^(fr)

• F. "mort, décédé, nécrosé".
• F. "mort, insensible".

Sustantif

	singulî	pluriyal
omrin	moirt	moirts
femrin	moite	moites

moirt omrin

1. li ci ki n’ vike pus.
   • On stinda l' moirt divins et, dvant ses eritîs
     K' el loukît ene dierinne feye, li covieke rida dsu. — Henri Simon, "Li rvindje di l' åbe (fråze rifondowe).
   • C' est d' vozôtes, mes moirts rigretés,
     Ki ç' djoû cial rimplixh mi pinsêye. — Joseph Vrindts, « Pâhûles rîmês » (1897), "Li Tossaint", p.38 (fråze rifondowe).
2. (mot d’ cwårdjeu)
   1. cwåtes k’ on stî djouwêyes.
   2. djouweu ki n’ djowe nén, tchaeke a s’ toû, cwand on-z est cénk et k’ i n’ fåt k’ cwate djouweus.
   • Nos djouwrans avou on moirt.

Ratourneures

1. woeyî on moirt : dimorer dins l’ tchambe do moirt, del nute.
2. Cwand gn a on moirt sol plantche on dimegne, gn a co onk ki shût dins les shijh samwinnes : doûce creyance did dinltins.
3. leyîz les moirts e påye : dijhêye cwand on codjåze on moirt.
4. Ti freus on bea moirt : dijhêye po balter onk (metans, k’ est bén abiyî).
5. cwand on est moirt, on n’ vike pus u : cwand on est moirt, c’ est po lontins : li moirt, c'est po d’ bon.
6. blanc-moirt; blanc come on moirt
7. Li tchmijhe d’ on moirt n’ a pont d’ potches :
8. Li ci ki ratind après les solés d’ on moirt va co lontins a pîs dischås : i n’ fåt nén ratinde les eritaedjes.
9. Dou çk’ i gn a des moirts, les ouxhs sont todi å lådje u : On n’ clôt nén l’ ouxh la k’ gn a on moirt : dijhêye po rire cwand on vs dit ki vosse brayete est å lådje.
10. on n’ rileve nén les moirts : (mot d’ cwårdjeu) dijhêye po espaitchî k’ on n’ våye rivey les cwåtes k’ ont toumé.

Mots d’ aplacaedje

• croke-moirt

Sinonimeye

• (rilidjeuzmint) : trepassé
• (moirt nén naturelmint) : touwé
• (mierdjin ki mourt d’ ene maladeye) : moraedje

Ratournaedjes

moirt

• Francès : mort ^(fr), défunt ^(fr)

Adviebe

moirt omrin

1. (divant èn addjectif) foirt.
   • Il est moirt sô.
   • On s’ plait la dvins come des chamos,
     Pusk’ on-z î boet tot moirt a l’ aiwe,
     So ene shijhe, dj’ a conté pus d’ trinte côps
     Mi prezince å batch wice k’ on s’ saiwe. — Louis Lagauche, « So m’ tére » (1913-1920), « On drole di tampèrant » p.127 (fråze rifondowe).
   • Nos rivnéns, moirt nåjhis, åd triviè des tcherwés — Jacques Warnier (fråze rifondowe).
   • Mwért nanti, tot hictant, i s’trinna st’è s’bôme fî parèye qu’on lîve qu’on a corou djus. — Joseph Mignolet, Li payis des soteas (1926), p.46.
2. (dins les vierbires ås pronos) foirt, bråmint.
   • Loukîz l' djonnesse, c' est tos omes di stok capåbes do bouxhî moirt les cis ki s' metèt so leus voyes. — Joseph Mignolet, "Li vôye qui monte" (1933), p.26 (fråze rifondowe).

Ratourneures

1. si rire moirt: rire foirt.
2. si tuzer moirt
3. si schiter moirt
   1. aveur ene foite schite
   2. aveur foirt peu.
4. braire ses iys tot moirt: bråmint tchoûler.
5. si priyî tot moirt: priyî foirt, tot l’ tins.
6. cweri moirt: cweri bråmint.
   • Elle aveut pindou s’ paltot sol minne, po m’ fé cweri tot moirt après — Chantal Denis (fråze rifondowe).

Mots d’aplacaedje ^(?)

• moirt nåjhi; moirt escran
• moizive

Sinonimeye

• (divant "scran"): fén
• (divant "sô"): crevé
• Loukîz a : « totafwaitmint »

Ratournaedjes

foirt, divant èn addjectif Loukîz a : totafwait

• Francès : très ^(fr)

Waitîz eto

Lijhoz l’ årtike moirt so Wikipedia