rapåjhî

Walon (Rifondou)

Etimolodjeye

Bodje « påjh- » ‎(« påye ») avou l’ betchete « ra- » des viebes avou l’ cawete di codjowaedje « -î » des viebes, ou Do viebe « apåjhî » avou l’ betchete « ri- » des viebes.

Prononçaedje

• AFE :
  • diferins prononçaedjes : /ʀa.poː.ʒiː/ /ʀa.poː.ʒi/ /ʀa.pe.ʒiː/ /ʀa.peː.ʒiː/ /ʀa.pwe.ʒi/ (betchfessî å), (betchfessî jh)
  • prononçaedje zero-cnoxheu : /ʀa.pɔː.ʒiː/
• Ricepeures : ra·på·jhî

Viebe

Djin et tins	Codjowa
Cåzant Ind. pr. (dji, dj’)	rapåjhe
Atôtchî(s) Ind. pr. (vos, vs)	rapåjhîz
Cåzants Ind. pr. (nos, ns)	rapåjhans
Rwaitants Ind. pr., nam. (i/il, ele/elle)	rapåjhnut
Cåzant Ind. fut. (dji, dj’)	rapåjhrè
Cåzant D.I.E. (dji, dj’)	rapåjhive
Cåzant Suddj. pr. (ki dji, dj’)	rapåjhe
pårt. erirece (dj’ a, vos av)	rapåjhî
Ôtes codjowaedjes	come waitî

rapåjhî

1. (viebe å coplemint) rinde del påye, rinde pus påjhire, espaitchî do braire (ene disbåtcheye sakî).
   • On rapaujhe en ome k’ est mwais, èn efant ki brait. — Motî d’ Djivet (fråze rifondowe).
   • Dji baloujhive miernou po rapåjhî mes fives. — Georges Smal (fråze rifondowe).
   • Ele les ramoenne
     Avou bråmint del poenne
     Disk’ å trô do vî tchinne ;
     Les rapåjhe, les discrameye
     Come ele pout. — Paula Fourny (sourdant a recråxhî) (fråze rifondowe).
   • Adon, i n’ a k’ ene afwaire ki m’ rapåjhe, c’ est d’ berlôrer divins m’ djårdén, a ravizer ene air, a pinser a ene masse d’ afwaires. — Dominique Heymans (fråze rifondowe).
   • Cwand on vike tot seu, on s’ rapåjhe come on pout. — Motî do Virwin (fråze rifondowe).
   • I gn a pus k’ vos po m’ rapåjhî. — André Gauditiaubois (fråze rifondowe).
2. (viebe å prono) : Loukîz a : « si rapåjhî »..

Ratourneures

1. èn nén esse a rapåjhî
2. cwand on a tot brai, i s’ fåt co rapåjhî

Parintaedje

• rapåjhant
• rapåjhaedje, rapåjheu, rapåjhmint

Sinonimeye

• rapåjhter, apåjhî, rapåpyî,
• solåcyî, riconsoler, soladjî, racoeyi, racoexhter, raflater, rabinåjhî, rabouni

Sipårdaedje do mot

w. do Mitan, w. do Coûtchant, Basse Årdene (Nonne)

Ortografeyes

Après 1900, foû rfondou (Feller, Feller ricandjî, nén Feller) :

• rapêjî : O3
• rapéjî : O0, O3
• rapôji : S109, Bour
• rapåji : S117
• rapwéji : O100, S25
• rapauji : C1, C8, C60, C99, O0, O2, O81, O100
• rapautchî : S117
• rapôjî : Bour
• rapaujî : C9, C62, C99, C105, C106, O0

E rfondou walon :

• rapåjhî : R10 ^(lére), R11 ^(lére), R13

Li mot n’ est nén dins : C65, E21, E212

Ratournaedjes

rinde pus påjhire

• Almand : beruhigen ^(de), beschwichtigen ^(de)
• Inglès : to calm down ^(en)
• Espagnol : calmar ^(es), tranquilizar ^(es)
• Francès : apaiser ^(fr), calmer ^(fr), tranquilliser ^(fr), rassurer ^(fr), consoler ^(fr), , rasséréner ^(fr), , réconforter ^(fr)
• Neyerlandès : kalmeren ^(nl)