Amanite moudreuse

L' amanite moudreuse (on lome eto "tchapea d' macrale", mins ci mot la est emacralé), c' est èn epweznant tchampion, del famile des amanites, ki vént dins les bwès d' åbes ås foyes.

Amanite moudreuse
Amanita phalloides
Rindjmint sincieus
Ringne: Fungi (tchampions) Ecoxhmint: Basidiomycota Classe: Homobasidiomycetes Dizo-classe: Agaricomycetideae Ôre: Agaricales Famile: Amanitacea Djinre: Amanita Espece: phalloides

Discrijhaedje

Ene tote djonne amanite moudreuse

C' est on bea tchampion ki crexhe å waeyén-tins.

I vént al tere dins les bwès d' åbes ås foyes (copurade padzo les tchinnes.

Si tiesse, disk' a 15 cm lådje, n' a nén todi l' minme coleur. Ça pout aler do vert eschite, å gris bronze ou å vete foirt clair. Li tchapea est eto bén rlujhant et mostere totès ptitès royes, a môde di balinnes di paraplouve.

Li pî do tchampion (15-20 cm, long et 2-3 cm lådje) est ene miete rinflé. Si coleur est blanke, cabolêye di gris olive. Å dzeu do pî, n a-st on blanc anea avou des firlotches.

Å dzo do pî, i gn a-st ene ronde ewalpeure del cogne d' on saetch, fwaite di blankès lames, assez serêyes.

I node ene miete come ene rôze estant djonne. Mins, tot divnant vî, il cmince a sinti mwais.

Epwezonmint

C' est on epweznant tchampion ki pout touwer ene djin. On vout ki l' impreur romin Clôde, l' Impreur romin djermanike Tchåle VI, li påpe Clemint VII, eyet l' Impratresse di Rûsseye Natalia Naryshkina åyénxhe sitî epweznés ås amanites moudreuses.

Les lumçons endè plèt magnî sins rujhes.

Bibiografeye

Tites di lives e francès avou pus di racsegnes so ç' tchampion ci:

• Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
• Marcel Bon: Champignons de France et d'Europe occidentale (Flammarion, 2004)
• Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
• Roger Phillips: Les champignons (Solar, 1981) - ISBN 2-263-00640-0
• Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
• Peter Jordan, Steven Wheeler: Larousse saveurs - Les champignons (Larousse, 1996) - ISBN 2-03-516003-0
• G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
• Henri Romagnesi: Petit atlas des champignons(Bordas, 1970) - ISBN 2-04007940-8
• Larousse des champignons édition 2004 sous la direction de Guy Redeuilh- ISBN 2-03-560338-2