Messe e meynute

Li messe e meynute, c' est ene messe k' on dit li 24 di decimbe a meynute (c' est don l' prumire eure do djoû do Noyé). Ele rimimbere li skepiaedje da Djezus-Cri.

e l' Tchekeye (2018)

Messe di Betleyem avou l' påtriyåtche catolike Michaele Sabbah (2006)

Pareymint: passaedje å «Trô d' rotche del Nexhance»

Tchants del messe e meynute

Li rlomé tchant e francès Minuit chrétien esteut tchanté tos costé a meynute petante.

On raconte ki les paroles «l'Enfant-Dieu descendit jusqu'à nous» ont stî rcandjeyes a «… parmi nous», po les Walons n' nén comprinde canou (mozete).

C' est sol tipetape di Minuit chrétien ki Théophile Bovy scrijha «Li tchant des Walons».

On pout tchanter eto li «Nute påjhûle»; «Acoroz, fideles crustins» u «Il est la, nosse pitit valet». Oudonbén onk des vîs noyés walons.

Rilomêyès messes e meynute

Li messe e meynute al båzlike di Noyé a Betleyem est shuvowe pa des pelrins do monde etir. Dispu les acoirds d' Oslo, li prezidint del Palestene (Yasser Arafet, pu Mohammed Abbas Aboumazen) î prind pårt a tote li liturdjeye del parole (prumire mitan del messe).

Après messe, les priyesses et les pelrin pasnut å «Trô d' rotche del Nexhance», sorlon l' creyance des crustins do Levant ki Djezus a skepyî e-n on trô d' rotche, et nén dins on ståve.

Dijhaedje di troes bassès messes

On è cåze dins les Lettres de mon moulin da Alphonse Daudet, rimetowes a môde di binde d' imådjes ratournêye e walon pa På-Hinri Tomsin.

Doûcès creyances a vey avou l' messe e meynute

On creyeut k' e ståve a doze eures a meynute, les biesses si metént-st a djno et dvizer inte di zeles. Li ci ki veyeut çoula toumée aveule.

Po sawè l' tins k' i frè les doze moes d' l' anêye, divant d' aler a messe e meynute, prinde èn agnou, el peler et prinde doze belès peletes a mete so ene tåve (el tchambe ås pemes ou e gurnî); mete ene piceye di sé dissu tchaeke pelete. Tot rivnant d' messe e meynute, alez vey çou ki l' sé a divnou. Si l' sé est tot fondou, ça srè on moes avou bråmint d' frexheur: del plouve u del nive; si l' sé est a mitan fondou, c' est ki l' tins halkinrè, inte do bon et do mwais tins; si l' sé n' a nén fondou, c' est des moes k' i frè setch, avou on bea solea.

Alére

(so l' Aberteke)

• Li nute do Noyé al cinse pa Joseph Lahaye
• Messe e meynute a Betleyem 2004
• parey e 2008