Moirt

Li moirt ou moraedje, c' est l' fén del veye, po les djins, les biesses, et les plantes ki n' ridjetèt nén.

Kuoleman puutarha, Hugo Simberg (1906)

Motlî

Ene djin, on dit k' ele mourt.

Po les biesses, on dit purade "crever". Portant, les acleveus di tchvås et d' moxhes al låme ont ptchî d' eployî l' minme mot ki po les djins (mori). On pout eto dire "peri".

Po les plantes, on dit purade : "souwer, setchi, souwer evoye".

Cwand l' cåze del moirt n' est nén cnoxhowe, on dit ki l' djin a morou… do mora.

Apriyesse del moirt

On dit todi ki cwand on est moirt, on n' rivént nén.

Portant gn a des djins k' estént moirts clinicmint et k' ont rivnou a zels. Il ont raconté leu apriyesse do cåzu-moraedje

Dujhances åtoû del moirt

Ene djin ki mourt, on l' etere dins ene cimintire et lyi fé ene tombe. Les Celes fijhént des tombales; les Merovindjins des tomboes.

Sacwantès djins u sacwantès rlidjons ont meyeu di rayi leus moirts.

Cwand ene djin mourt, les parints et les soçons prezintèt leus condoleyances a s' famile. Li moirt d' ene djin est shuvowe d' on doû.

Essegnes del moirt

Li moirt est sovint rprezintêye pa ene fåtcheuse.

Carculaedje des moirts dins les maladeyes

Li minêyolodjince carcule li "morance" des djins et des biesses di cåze d' ene metowe maladeye.

Hårdêye difoûtrinne

Pådje di des scrijhaedjes so l' moirt (so l' Aberteke)