Teuf-teuf

Ene teuf-teuf, c' est l' no d' ene sôre di vweteures. Elles sont ricnoxhåves avou li fwait k' ele sont foirt pitites.

Les teuf-teufs n' ont, nouv côp so dijh, k' deus plaeces.

Lwè

El Beldjike, on pout ddja moenner ene teuf-teuf a pårti d' saze ans. Asteme ki dvant d' awè dijh-ût ans, on n' pout nén prinde on voyaedjeu avou. Les djins k' ont nexhou padvant li 14 di fevrî 1961 n' ont rén dandjî po-z endè pleur moenner. Les sakîs k' ont skepyî après cisse date la doevnut, å moens, awè l' permis AM. Mins nerén, sacwantès elemints del lwè bedje dipindnut bén del lwè di l' Union Uropeyinne. Metans, li nombe di tchvås ki pout daler disk' a 8,15 ubén l' vitesse macsimome k' est limitêye a 45 km/e.

A l' atake, c' esteut seulmint les teuf-teufs a deus plaeces ki polént roler so les voyes. Tolminme ki, dispoy 2016, les otos dinsi avou cwate plaeces polèt roler el Beldjike. Tot rwaitant les voyes, les moenneus des teuf-teufs doevnut s' codure come si moennént ene oto po l' ci ki fåt l' permis B, åré k' les teuf-teufs polnut nén sey so les otostrådes ubén les espresses.