Yopôl II d' Beldjike

Yopôl II (on dit eto Diopôl III^[1], u Leyopôl II), c' esteut li deujhinme rwè des Bedjes, li fi da Yopôl Prumî. I skepia li 9 d' avri 1835 et mora li 17 di decimbe 1909.

I fourit shuvou sol trône del Beldjike, di s' neveu, Albert 1î d' Beldjike.

Ouve

C' est lu k' a payî Stanley po fé ses esploraedjes e Congo.

Dins si testamint, i dna l' Congo al Beldjike. C' est l' kiminçmint do Congo bedje.

El Walonreye, il a ragrandi l' dominne di Ciergnon.

Yopål II esteut foirt sitraegn. Li gåre di Ciergnon diveut dmani shijh metes dirî lu.

Il esteut grandiveus. Si mwaisse divize el mostere bén :

Pitit payis, ptitès djins !

C' esteut on djhan-comere. On vout k' i gn åye bråmint des efants da lu do costé d' Ciergnon.

On lyi a rprotchî d' aveur fwait mori des meyes di djins, tot-z oblidjant les Congolès a bouter dins ses plantisse d' åbes å cawoutchou.

so Wikisourd: Å rwè (spitch por lu pa Nicolas Lequarré å banket des céncwante ans del SLLW).
Jean-Pierre Dumont Li Rantoele l° ^{(a-z aveuri)} (evoyaedje di djezwites e Congo pa Yopôl II).