boulome

Walon (Rifondou)

Etimolodjeye

Aplacaedje di : « boun » (bon) avou on ridaedje N/L, et « ome ».

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : /bu.ˈlɔm/
• Ricepeures : bou·lome

Sustantif

singulî	pluriyal
boulome	boulomes

boulome omrin

1. ome (tot l’ veyant djintimint u pitieuzmint).
   • I m’ shonna vey[…]
     Grand, maigue et setch, prusti d’ tos niers
     Tot racrapoté dvins s’ mousseure,
     Monsigneur li boulome Ivier— Martin Lejeune, "L’iviêr èt l’amour" (fråze rifondowe).
2. ome k’ on-z a spozé.
   • Dji n’ a pus rveyou m’ boulome di tote li guere.
3. sacwè ki rprezinte èn ome.
   • Ele a desiné on boulome dins l’ såvlon.
4. (mot d’ tcherpetî) (mot d’ fiyeu(se)) pîce di bwès assez coûte et metowe astampêye :
   1. ki sotént l’ mwaisse-viene d’ ene tcherpinte et ki poize so on pilé u so ene ferme.
   2. ki fwait tourner l’ rowe do molén a fiyî, a pårti do mouvmint del pedale.

Ratourneures

1. boulome di bwès, bouloume di bos : bokion. F. bûcheron.
2. pitit boulome
3. boulome di nive
4. Li boulome ivier : lomaedje imådjrece di l’ ivier.
5. boulome di Sint Nicolai : couke di Dinant ki rprezinte Sint-Nicolai.
   • Dj’ avans atchté des boulomes di Sint-Nicolai po ls efants.

Ortografeyes

Après 1900, foû rfondou (Feller, Feller ricandjî, nén Feller) :

• boulome : C9, O0, O2, O3, O4, O5
• bonome : C8, E1
• bouname : E1, E34
• bounome : E21
• bolome : C1, C8, C13, O0

E rfondou walon :

• boulome : R9 ^(lére), R10 ^(lére), R13

Ratournaedjes

ome

• Francès : bonhomme ^(fr)

ome k’ on-z a spozé

• Francès : mari ^(fr)

pîce di bwès ki sotént l’ mwaisse-viene d’ ene tcherpinte

• Francès : poinçon ^(fr)

pîce di bwès ki fwait tourner l’ rowe do molén a fiyî

• Francès : levier ^(fr)