hope

Walon (Rifondou)

singulî	pluriyal
hope	hopes

hope femrin

potchaedje.
- Fé des hopes.
- Il aveut passé on bresse åtoû di m’ hanete et i såtléve so s’ boune djambe e grignant, télmint k’ i sofreut a tchaeke hope. — Lorint Hendschel.
- èt, d’zos l’ustèye qui faît dès hopes
  tot k’tèyant lès rôyes dè tchèrwé,
  lès cwårts èt lès roukes si fondèt,
  li tére si brîhe, si strûle èt håle. — Henri Simon, Li pan dè Bon Diu, Li sèmèdje.
- On voet k’ ele a fwait […] ene hope e-n erî. — Arthur Xhignesse, « Bwègnes mèssèdjes » (1905), p.7 (fråze rifondowe).
grande asdjamblêye, grande ascoxheye
- Roter a grandès hopes.
- Li pôve djonne si veyant dhaler,
  Ni fjha k’ ene hope foû del praireye. — Joseph Vrindts, ”Vîx Lîge” (1901), p.80, “Li p’tit Pît’lé” (fråze rifondowe).
grande tape, longowe sitindêye di tins ou d' espåce
- I gn a co ene bele hope divant d' ariver.
- I nd a co pår ene fameuse hope divant d' awè tot fwait.
grand nombe di.
- Et cwè, vos n' mi respondoz nén ? Ça fwait ene hope di feyes ki dji vs houke …— Paul-Henri Thomsin, ratournant e walon Walon’rèye, tére di lédjindes, 1998, p. 28 (fråze rifondowe).