may

Loukîz eto : måy, mây, May.

Walon (Rifondou)

may omrin

cénkinme moes d’ l’ anêye, k’ a 31 djoûs.
- Si dj’ esteu li bele pitite rôze,
  K’ e moes d’ may vos loukîz flori,
  Dj’ vôreu so vosse coirsulet rôze,
  Mori — Martin Lejeune, "Djône amour" imité d’Adolphe Hardy, guitare (fråze rifondowe).
- I gn aveut lontins, bén lontins,
  Ki l’ moes d’ may lyi rôléve el tiesse. — Joseph Vrindts, ”Vîx Lîge” (1901), p.77, “Li p’tit Pît’lé” (fråze rifondowe).
- Gn a sacwants ans, gn aveut cobén shijh set viyès femes ki s’ raploujhént a l’ eglijhe tos les djoûs do moes d’ may. — Émile Gilliard (fråze rifondowe).
côpé åbe k’ on plante å moes d’ may, copurade :
1. sol plaece do viyaedje, sorlon ene dujhance metowe so pî al Revolucion francesse.
  - Les djonnes omes plantront des mays tot l’ lon des tchmins ewou çki li rwè des rwès va passer. — Émile Gilliard (fråze rifondowe).
2. li long des porcessions (fiesse-Diè) ; li sôre d’ åbe eployî come may n’ est nén l’ minme d’ ene plaece a ene ôte : ene bôle e-n Årdene ; on ptit plope a Nameur, e Hinnot).
3. divant l’ måjhone des djonnès cmeres, la kel sôre d’ åbe vout dire ene sacwè.

(cénkinme moes d’ l’ anêye)

mariaedje di may, måy ni va : on n’ fijheut nén voltî des mariaedjes e moes d’ may, peu d' aveur si prumî efant å cwarmea.
mweteye di may, cawe di nivaye : i pout co niver e moes d’ may.
may fwait l’ four, et l’ fenåmoes l’ mete a pont : dijhêye di cinsî : li four va crexhe pår e moes d’ may ; on l’ fåtchrè e moes d’ djun.

(côpé åbe k’ on plante å moes d’ may)

li sinifiance des mays plantés dvant les ouxhs des djonnès feyes si rtént avou les shuvantes ratourneures : may di côre, dji t’ adôre ; may di tchinne, dji t’ arinne ; may di spene, ki t’ es fene ; may di fetchire, ki t’ es fire ; may d’ ônea, dji t’ dilai (pol rimaedje on-z eploye li disfondowe ônê) ; may di faw, ki t’ es nawe ; may di plope, ki t’ es salope ; may di hous, dji n’ ti vou ; may di sawou, î va kî vout ; may di tchårnale, ki t’ es macrale.