pazea

Walon (Rifondou)

• 
  Des pazeas d' berbis et d' gades sol pindant d' on tiene
• 
  Pazea po les djins et les biesses dins l' Grand Atlasse

Etimolodjeye

Tayon-bodje latén « passus » (pas, ascoxheye, rotaedje, passêye), avou l’ cawete « -ea », mot cité dins l’ FEW 7 739b.

Prononçaedje

• AFE :
  • diferins prononçaedjes : /pazja/ /pazɛː/ /pazɛ/ /paze/ /paːzɛː/ /pɛzɛː/ /poːzɛː/ /pwazɛː/, miersipepieuzmint e l’ notule ALW 6.44 ; (betchfessî ea)
  • prononçaedje zero-cnoxheu : /pazja/

Sustantif

singulî	pluriyal
pazea	pazeas

pazea omrin

1. pitit tchmin po roter, ene djin ou ene biesse lådje.
   • Ké ramadje asteure dins l' pazea ås grinnes; ké brouyaedje, ké fiesse ! — Georges Pècheur (fråze rifondowe).
   • N' aveut-st on croejhaedje sol pazea des Botresses ki moennéve, sol hintche, al tombe di Hinnmåle (A. Moors-Schoefs).
   • Les tassons afroyèt les pazeas, et après, tos les djîbîs î passèt — Båze di dnêyes di l’ Årdene nonnrece (fråze rifondowe).
   • On voet håre et hote on pazea,
     Divant les ouxhs a poenne drovietes,
     Li brut n' est nén co dispierté— Joseph Vrindts, "Vîx Lîge" (1901) p. 6, "L’Hiviér" (fråze rifondowe).
   • Sins lî rèsponde, Biètrand bodja s’hême, et z’assètcha-t-i l’djônê èn’in’ plèce dè pazê, la qui l’leûne flahîv à plin
     — Louque!… fat-i, tot distèlant s’chamår…
     — Joseph Mignolet, "Li Payîs des Sotês", 1926, p. 35.
2. (imådjreçmint)
   1. tchimin po-z ariver a on råjhonmint, ene sitouwåcion.
   2. coûsse, durêye.
      • Et dji tuze adon k' e pazea del veye,
        –K' i soexhe hozlé d' rôzes ou d' ourteyes–
        Cwand ns croejhlans l' amour, nos l' divréns ratni— Émile Wiket, "Fruzions d' cour", "Qwand n' creûh’lans l'’amour" (fråze rifondowe).
   3. (éndjolike) tchimin po-z avni a on fitchî, e coxhlaedje d' ene deure plake.
   • Il a åjhey, on lyi a fwait l' pazea — Motî d’ Bastogne (fråze rifondowe).
3. passaedje inte les aireyes e-n on corti.
4. passaedje, todi el minme plaece, di såvadjès biesses.

Mots d’ aplacaedje

• pî-pazea

Sinonimeye

• (djins) : pî-sinte, pî-pazea
• (corti) : alêye
• (såvadjès biesses) : rote, passêye, colire

Mots vijhéns

• voylete, rouwalete, passaedje

Sipårdaedje do mot

w. do Levant, Basse Årdene

Ortografeyes

Divant 1900 :

• pazai : E212 ^(lére)

Après 1900, foû rfondou (Feller, Feller ricandjî, nén Feller) :

• pazé : G206, S104
• pazia : C1, C9, C60, G206
• pâzê : G206, S0
• pasê : S17 p. 262
• pwazé : G206
• pazê : E1, G206, S0, S117
• pôzê : G206

E rfondou walon :

• pazea : R9 ^(lére), R10 ^(lére), R11 ^(lére), R13

Li mot n’ est nén dins : C8, C62

Ratournaedjes

stroet tchmin po ene djin, ene biesse passer

• Almand : Fußweg ^(de), Pfad ^(de), Steg ^(de), Steig ^(de)
• Inglès : path ^(en), footpath ^(en), pathway ^(en), track ^(en), trail ^(en)
• Espagnol : sendero ^(es)
• Francès : sentier ^(fr)
• Gåmès : vouyète, passatche
• Neyerlandès : voetpad ^(nl)
• Picård : piéchinte ^(pcd), percé

Waitîz eto

Lijhoz l’ årtike pazea so Wikipedia