scoreye

Walon (Rifondou)

Etimolodjeye 1

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
scoreye	sicoreye	escoreye

Tayon-bodje latén « excoriare » (schoircî, scoryî), avou l’ cawete « -eye », avou assaetchance di «corijhe»; mot cité dins l’ FEW 2 1224 (la metowe come vinant di "corijhe")

Prononçaedje

• AFE :
  • diferins prononçaedjes : /skɔ.ˈʀɛj/ /skɔ.ˈʀɛːj/ /skɔ.ˈʀej/ /skɔ.ˈʀiːj/ /skɔ.ˈʀij/ /skɔ.ˈʀiː/; miersipepieuzmint e l’ notule ALW 9.109 ; (betchfessî ey)
  • prononçaedje zero-cnoxheu : /skɔ.ˈʀɛj/
• Ricepeures : sco·reye

Sustantif

singulî	pluriyal
scoreye	scoreyes

scoreye femrin

1. (mot d’ acleveu di tchvås) usteye des moenneus di tchvå, des domteus d' såvadjès biesses fwait d' on mantche et d' on dbout d' coide ou d' cur, po les fé schoûter.
   • Vozôtes les comeres, vos estoz l' tcherete, li haerna, li tchedje et li scoreye, et nozôtes les omes les biesses ki saetchèt — Arthur Masson (fråze rifondowe).
2. (plante) fleur des tchamps, ki crexhe a môde di rampe et ki florit come on blanc hena, ki l’ sincieus no, c’ est : Convolvulus arvensis.
   • Li purnale et l' coignoûle, dins l' håye riglatixhnut
     Et li scoreye s' enonde po monter s' blanc calice
     Pus hôt ki l' daliya, k' ele pinse awè batou — Edmond Wartique, lijhåve so Wikisourd (fråze rifondowe et rarindjeye).

Ratourneures

1. alver al sicoreye
2. trop d' avoenne et trop pô di scoreye

Parintaedje

• scorion
• scoriete
• scoriasse
• scoryî
• scoriant
• scoriaedje
• scorieu

Sinonimeye

usteye po bouxhî so ene biesse

• corijhe
• scordjire
• perpignan
• verdjon
• scaswere

rampe (plante) avou ene fleur come on blanc calice

• vôvale
• hena
• Loukîz a : « vôvale »

Dizotrins mots

usteye po bouxhî so ene biesse

• tchessoere
• scaswere
• tchesseute
• pî-bate

Ortografeyes

Après 1900, foû rfondou (Feller, Feller ricandjî, nén Feller) :

• scoriye, sucoriye : S117
• scoréye : O0, O4, G209 p. 228
• scourîye, sucourîye : S0
• scorîye : O0, S36 ^(lére), G209 p. 228
• èscorîye : G209 p. 228
• scorîye, sicorîye : C99
• scourîye : G209 p. 228
• scorêye : G209 p. 228
• iscorîye : G209 p. 228
• scoriye, sicoriye : C8
• scoréye, èscoréye : O4
• scorèye : G209 p. 228
• sgorêye : G209 p. 228

E rfondou walon :

• scoreye : R13
• scoreye, sicoreye u escoreye : R10 ^(lére)

Ratournaedjes

mantche avou dbout d' cur po fé schoûter les biesses

• Arabe marokin : مشحاطة ^(ary) = مْشْحاطة =‎ mch7a6a
• Inglès : whip ^(en)
• Francès : fouet ^(fr)
• Neyerlandès : zweep ^(nl)
• Picård : cachoire ^(pcd)

Etimolodjeye 2

Alofômes di s(i)- / (e)s-

Mwaisse cogne	Avou ene divanceye voyale (dirî cossoune ; Coûtchant walon)
scoreye	escoreye

Tayon-bodje latén «scōria», bodje vî grek «σκωρία», parint di «σκῶρ» ("flate"); (noûmot eplaidî pol prumî côp diviè 1950)

Sustantif

singulî	pluriyal
scoreye	scoreyes

scoreye femrin (pus sovint eployî å pluriyal)

1. erî-prodût di l' industreye do fier, eployî come ecråxhe.
   • On seméve sortot les cayinites et les cloreures, et de côps les scoreyes potassikes — Roland Georges (fråze rifondowe).
   • On-z av, avou, do superfosfate, k' esteut bråmint pus houf ki les scoreyes — Roland Georges (fråze rifondowe).

Ortografeyes

E rfondou walon :

• scoreye : R10 ^(lére), R17

Ôtès ortografeyes (avou des sourdants nén rkinoxhous) :

• scorîe : RGeo p. 21

Li mot n’ est nén dins : S0

Ratournaedjes

erî-prodût di l' industreye do fier

• Inglès : scoria ^(en)
• Francès : scorie ^(fr)

Waitîz eto

Lijhoz l’ årtike scoreye (discramiaedje) so Wikipedia