siermon

Walon (Rifondou)

Etimolodjeye

Tayon-bodje latén « sermo » (cåzaedje, spitch) (avou on diftongaedje).

Prononçaedje

• AFE :
  • diferins prononçaedjes : /sɛʀ.mɔ̃/ /sjɛʀ.mɔ̃/
  • prononçaedje zero-cnoxheu : /sjɛʀ.mɔ̃/
• Ricepeures :sier·mon

Sustantif

singulî	pluriyal
siermon	siermons

siermon omrin

1. (e l’ eglijhe catolike) cåzaedje do curé azès djins å mitan del messe, sovint po lzî fé ene luçon; minme cåzaedje d' on priyesse d' ene ôte rilidjon.
   • L’ ôte djoû, nosse curé dvins s’ siermon Nos djha ki li rwè Salomon… (P.G. de Vivario).
   • Schoûtez pår li resse do siermon (vî tecse lidjwès di 1636 eplaidî di J. Haust).
   • On curé d' viyaedje a pretchî Bén lonmint a grand-messe; Les payizans n' ont fwait k' båyî Divant s' pirlodje francesse; I n' ont rén ritnou di s' siermon. — C.N. Simonon, Powezeyes e patwès d’ Lidje (fråze rifondowe).
2. rimostrance a onk, ene ki n’ si moenne nén comifåt.
   • siermon su les pasmints d' tins des femes åtoû d' leus tweletes
   • L' abé rinda vizite al viye cinsresse et ele shonna aveur comprins s' siermon: Ele s' aveut decidé a leyî l' måjhone a s' bele-feye. — Jean-Pierre Dumont (fråze rifondowe).

Sinonimeye

• (cåzaedje d' on curé a messe) : pretchaedje, pretchmint
• (rimostrance) : luçon, siermonaedje

Ratournaedjes

cåzaedje d' on curé a messe

• Arabe : خطبة ^(ar) =‎ khouTba
• Arabe marokin : خطبة ^(ary) =‎ kho6ba
• Inglès : sermon ^(en)
• Espagnol : sermón ^(es)
• Francès : sermon ^(fr), prêche ^(fr)
• Itålyin : sermone ^(it)
• Sicilyin : sirmuni ^(scn)

Waitîz eto

Lijhoz l’ årtike siermon so Wikipedia