violon

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « violon », el pout stitchî vaici.

Prononçaedje

AFE :
- diferins prononçaedjes : /vjɔ.lɔ̃/ /vi.jɔ.lɔ̃/
- prononçaedje zero-cnoxheu : /vjɔ.lɔ̃/
Ricepeures : vio·lon

Sustantif

singulî	pluriyal
violon	violons

violon omrin

(muzike) instrumint d’ muzike a cwate coides, cafroyeyes avou èn airçon, et acoirdêyes so les notes sol, ré, la, mi.
- Po n’ nén fé pôvriteus, on m’ aveut leyî egadjî ene dijhinne di violons d’ rawete. — Émile Sullon.
- Dji lyi a dné ene bele purdje, alez ! Eco ene gote et i s’ såvéve a cavaye so s’ violon ! — Henri Simon, « Li Neûre Poye » 1889, (eplaidaedje da Jean Haust di 1936), p.87 (fråze rifondowe).
- On les mine a l’ eglijhe Avou basse et violon: Vochal ene grande sorprijhe Et on bea cariyon ! — Moray.
- Les Touwaregs ont-st ataké avou des danses et ene espéce di violon a ene seule coide. — Yves Paquet.
- I n’ faut qu’on-aîr di violon
  Po vos fè dansè l’ rigodon
  — André Henin.
prijhon.
- Ureuzmint k’ èn adjint d’ police
  Moenna nos deus femes å violon — Joseph Vrindts, ”Vîx Lîge” (1901), p.36, “Battaye di Feumme !” (fråze rifondowe).
- Et s’ si djha-t i e lu-minme : « Vo t’ î la, wai, al cadje, Pitit Roytea ; vo t’ î la, å violon, vo t’ î la, reclôs el gayole ! ». — Lucyin Mahin.

Ratourneures

tingler s’ violon : risserer les coides.
- Djan l’ Blankixheu tinguele ès violon Et dit: "Ms efants, nos avans ci des feyes Ki n’ dimandèt k’ a danser l’ rigodon." — Jacques Bertrand.
I fåt dansî coume lu violon soune : i fåt schoûter çou k’ les mwaisses dijhèt.
rl a: mestré.
èn nén djouwer sol minme violon : èn nén awè les minmès idêyes.
- C’ est ces frankofones la k’ ont todi cmandé el Beldjike eyet spotchî u assimiler d’ foice les ptits Walons ki n’ djouwént nén sol minme violon. — Lucyin Mahin.
acoirder ses violons : dire parey.
- Tot savants k’ i sont, il ont bén do må d’ esse seurs di leus dires et d’ acoirder leus violons. — Louis Baijot.
ostant peter dins on violon; u: c’ est come si t’ pixhreus en on violon : gn a pont d’ avance di sayî: on n’ arivrè a rén.
- Les deus vîs ont bén sayi d’ el coridjî, mins ostant peter dins on violon. — Gaston Lucy (fråze rifondowe).
Ene boune air di feu våt mî k’ ene air di violon : dijhêye po cwand k’ on-z è-st å tchôd dlé l’ feu, et k’ i fwait petant d’ froed dvant l’ ouxh.
- I fwait si bon dins l’ foidje; ene air di feu våt mia k’ ene air di violon. — Paul Moureau.
c’ est on tchet ki djouwe do violon : dijhêye po rire d’ èn ome k’ a l’ tiesse sol costé.
c’ est on violon dvins ene copagneye : c'est ene djin foirt plaijhante ki fwait rire les ôtes, k’ a todi si pitite fåve, al boke. Franwal: ahåyant po: c'est un joyeux luron, il met de l'ambiance.
il a metou des coides di boyeas d’ leu u d’ berbis a s’ violon: i n’ arivrè måy a ls acoirder : dijhêye cwand k’ on djouweu d’ violon djouwéve fås dinltins, so on bal.
On vî violon, s’ il est bén froté, tchimteye co : gn a des viyès usteyes ki valèt bén les nouves.