Murcia

Para han lain nga kagamit, kitaa an Murcia (pansayod).

An syudad han Murcia amo an ulohan ngan an syudad nga may gidadamoi nga tawo han Komunidad Autonoma han Región de Murcia ha nasod han Espanya. Ini ika-pito ha gidadakoi nga syudad han nasod, nga may-ada populasyon nga 442,573 ka molupyo han tuig 2009 (mga kat-tulo han ngatanan nga populasyon han Rehiyon). An populasyon han metropolitano may-ada 689,591 han tuig 2010. Namumutang ini ha Salog Segura, ha Salatan-sinirangan nga dapit han Rawis Iberia. May-ada ini klima nga mapaso han katsirak, iksakto la nga kathagkot, ngan gutiay nga pag-uran.

Tigaman Buhatan han Murcia

Bandera han Murcia

Gintukod an Murcia han emir han Cordoba nga hi Abd ar-Rahman II han tuig 825 ha ngaran nga Mursiyah (Arabica: مرسية). Ha pagkayana, ini in usa nga syudad nga nahatag hin serbisyo ngan usa nga university town. An mga parasyadahan para han mga bisita in naglalakip han Katedral han Murcia, ngan pipira nga mga istruktura nga baroque, sikat nga lokal nga karaunan, buhat nga arte han bantog nga iskultor nga Murciano nga hi Francisco Salzillo kada parada han Semana Santa, ngan han Fiestas de Primavera (Fiesta han Kathuraw).