牙买加
牙买加（英文名：Jamaica）是美洲加勒比海一个国家。首都来勒京斯敦。面积10991平方公里，主要个国土就是牙买加岛，迭个岛屿也是除脱古巴岛同西班牙岛之外，加勒比海地区个第三大岛，具体位置是在拉古巴岛南面方向145公里，西班牙岛西面191公里。除脱个两个大岛之外，牙买加还搭英国个海外领地开曼群岛距离比较近。
历史
编辑1494年，西班牙天主教君主赞助个冒险活动人物哥伦布来到迭个地方，伊拉携带个欧亚大陆人类传染病，让此地大部分土著人口消失。之后，西班牙人从非洲运来交关黑奴，来到此地从事种植园活动，一直延续到1655年，之后，英国攻略此地，并且正式拿此地命名为“牙买加”。17世纪末到18世纪，牙买加继续保持伊种植园个特点，到19世纪，开始慢慢从东亚搭南亚招揽新移民，从事大规模种植园活动。1962年，牙买加从英国独立，弗过，还是保留自家在拉英联邦当中个位置。
人口
编辑牙买加人口将近三百万，是北美除脱美国搭加拿大之外，第三大英语国家。也是加勒比海地区除脱古巴、海地、多米尼加之外，第四大人口国家。伊个人口当中，大部分是当年从非洲运过来个黑人个后代，少部分是混血，或者19世纪移民此地个南亚人、东亚人后代。
经济
编辑牙买加是中等收入国家，人均gdp超过1万5千美元，弗过，邪气依赖旅游业，每年接待游客超过400万人。