电车
电车（崇明话 IPA [die] [tsʰo]），或者叫有轨电车、铛铛车，是一种城市公共交通工具。电车勒平个轨道浪开仔跑，可以就地安装。现在电车基本浪侪是由电来驱动个。
历史
编辑头一条线路
编辑
电车勒19世纪上半期出现，但是刚刚开始个辰光，电车是硬是靠动物拉个。最最早个电车（名字叫hippomobile）是美国造个，用来沟通纽约到Harlem(1834年)，后来子1850年，纽约到新奥尔良。头一批铁轨，因为采用“U”字形个结构，事故连二发生过好几趟。从1850年开始用喉管形铁轨；1852年开始用呒得弯头个铁轨（法国人Alphonse LOUBAT发明）。1853年，趁世界博览会之际，勒法国巴黎第8区修建着一条试验电车轨道。
电车勒世界浪数勿清个城市运行，譬如讲伦敦、柏林、巴黎、米兰等等，比公交车来得要快、要惬意。现代技术个发展，电车成本也勒到降低，特别是1873年蒸汽车个发明，1881年电力车（西门子公司）个发明。
电车靠电驱动，而且产生污染少，个咾马上就得到广泛推广。头一辆电车勒1887年布达佩斯成功运行。勒法国，头一辆勒1890年克莱蒙费朗成功。
黄金时代
编辑
电车勒20世纪初突飞猛进，直到两趟世界大战个辰光。居是因为乘客人数增多，同样，电车也就成为解决城市交通个一个办法。勒1910年，基本浪马车就淘汰脱哉。搿辰光，公交车勒到发展阶段，因为伊机械浪靠仔住；小汽车是有钞票人家个专属；而电车正好可以发挥伊个特点。
复兴时代
编辑
1973年石油危机，油价飙升，需要重新来衡量城市公共交通问题。因为地铁价钿贵，只有勒大城市有，电车系统需要有一个标准。勒法国，有人曾经向八个城市提出建议制定规范，但是后来朆有结果。
新型态个有轨电车出现，伊弗只有一节车厢，好送更加多个旅客。部分甚至全部路段高架、地下化，有独立路权，弗会得同私家车堵拉一道，故咾有轨电车复兴。勒美国个波特兰，有人发明一种新个现代电车网络，可以搭其他人共用路面。譬如讲，汽车可以勒呒得电车开个辰光开过铁轨。
1990年代开始出现低地板有轨电车甚至特低地板有轨电车。乘客上低地板有轨电车个辰光弗用上踏土琴哉，方便行动弗便当个人上车下车。
发展
编辑勒传统个电车基础浪发展出新型个符合当地特点个电车。
电车-火车
编辑电车-火车，实际浪是一个系统，可以勒市中心、城市外环道行驶，甚至可以勒地区原有铁路网浪开。
有轮电车
编辑
地面提供能源
编辑
能源（电）通过两条铁轨当中个第三条来驱动电车，搿条铁轨只有有电车通过个辰光再受压。
电池电车
编辑主要是用镍氢金属电池存足够多个电来维持电车正常运行。
城市化当中优点搭弗足之处
编辑优点
编辑
- 成本较高，但是搭地铁比出来，成本只有伊个1/3。因为弗需要挖洞，只要铺轨道就好哉。
- 速度比公交车就快。弗需要勒市区停多少时间。
弗足
编辑
- 比公交车成本高
- 运行成本比自动地铁高，因为需要司机驾驶
- 比地铁慢，带客少
- 空轨道对骑脚踏车个人蛮危险
