红肉

红肉指哺乳动物个肉，多数是红颜色个。

定义历史

一开始，大家烧菜辰光，拿牛咾羊咾红颜色个肉称为红肉；拿鸡咾鱼咾白颜色个肉称为白肉。研究之后晓得，前者发红是因为箇眼肌肉里个肌红蛋白含有二价铁离子。

后首又发现不符合经验个情况：火鸡个肌红蛋白含量稍为比猪猡高一眼，金枪鱼更加是高得了绚绚红。难世卫组织作出“哺乳动”物定义。

致癌疑云

网上常庄有得吃红肉比吃白肉容易生癌个传说。首先，搭肌红蛋白含量不搭界。有可能是哺乳动物肉里个外源性唾液酸引起炎症反应或者是烹饪产生个杂环芳烃搭杂环胺类诱发，但是概率不足以让大家错过红肉个营养。