马德里老堡(西文：Real Alcázar de Madrid）是西班牙京城马德里老早个核心建筑物。也是马德里第一个有规模个皇家建筑。此地个位置立在中世纪是一个回回城堡。畀光复之后，继续作为军事设施使用。到16世纪，西班牙国王频繁来到马德里，此地个规模也慢慢扩大。弗过，还是保留蛮多老早个色彩，具有中世纪风格，搭16世纪挨末阶段兴起个巴洛克宫殿完全两样。到17世纪，国王自家也弗欢喜太古旧个城堡，迁居到丽池宫。到西班牙王位继承战争之后，费利佩五世按照法国个古典主义风格，铲平迭个老堡，修造乃朝看到个马德里王宫。
