వికీడేటా:యాత్రలు/అంశాలు
అంశాల యాత్రకు స్వాగతం
వికీడేటాకు స్వాగతం! వికీడేటాలో ఎడిటింగు ఎలా చెయ్యాలో ఈ యాత్ర చూపిస్తుంది.
నేపథ్యంలో ఉన్న పేజీ నిజం పేజీ యొక్క ప్రతిరూపం మాత్రమే-దీన్ని మీ ప్రయోగశాలగా భావించండి. మీరిక్కడ చేసే మార్పుచేర్పులు వికీడేటాలో కనబడవు. అంచేత ఇక్కడ మార్పులు చేసేందుకు భయపడకండి. ఇక మొదలుపెడదాం రండి!
ఎడిటరు అవడం
వికీడేటా స్వచ్ఛంద సేవకులు తయారుచేసిన, ఎవరైనా ఎడిట్ చెయ్యగలిగే, స్ట్రక్చర్డ్ డేటా బేసు. వికీపీడియా లాగే వికీడేటా కూడా స్వచ్ఛందంగా పనిచేసేవారిపై ఆధారపడుతుంది. వీరంతా కలిసి 200 పైచిలుకు భాషల్లో డేటాను ప్రోది చేసి నిర్వహిస్తారు.
వికీడేటాలో పనిచేసేందుకు అనేక మార్గాలున్నాయి. కొందరు డాక్యుమెంటేషన్ను అనువదిస్తారు. కొందరు సాఫ్ట్‌వేరు లోపాలను సవరిస్తారు, కొందరు అప్లికేషన్లను తయారు చేస్తారు, ఇంకొందరు డేటాను చేరుస్తారు, మారుస్తారు. ఎడిటర్లంతా ఎక్కడో ఓ చోట మొదలుపెడతారు-ఈ యాత్ర ద్వారా వికీడేటాలో ఎలా ఎడిట్ చెయ్యాలో తెలుసుకుంటారు.
ప్రాథమిక డేటా
విజ్ఞానసర్వస్వం కోసం వికీపీడియా, మీడియా ఫైళ్ళ కోసం వికీమీడియా కామన్స్, పదాల అర్థాలూ వ్యుత్పత్తుల కోసం విక్షనరీ.
వికీడేటా దృష్టంతా స్ట్రక్చర్డ్ డేటా పైనే.
దీనివలన, ఈ డేటాను మనుషులు, కంప్యూటర్లూ ఒకేలా వాడుకునే సౌకర్యం ఉంటుంది. స్ట్రక్చర్డ్ డేటా ఇంకా అనేక అద్భుత అవకాశాలకు తెర తీస్తుంది. వాటి గురించి మీరు తరువాత తెలుసుకుంటారు.
అంశాలు
డేటాకు ఒక స్ట్రక్చరును సృష్టించడానికి బోలెడంత ప్లానింగు అవసరం! వికీపీడియాలో ఉన్న యావత్తు విజ్ఞానం లాంటి వాటిని నిర్వహించాలంటే, ఈ విజ్ఞానపు ప్రతినిధులను భద్రపరచే పద్ధతి ఒకటుండాలి. విజ్ఞానపు ఈ ప్రతినిధులనే అంశాలు అంటాం.
అంశాలు వైవిధ్యభరితమైనవి. ఇవి, "టెలివిజన్", "పడవ", "పర్వతం" వంటి వస్తువులనే కాక, "బాల్యం", "ఆకలి", "బరువు" వంటి అమూర్త భావనలను కూడా వివరించగలవు.
అంశాల పేజీలు
ప్రతీ అంశానికీ ఓ పేజీ ఉంటుంది-అక్కడ దానికి సంబంధించిన డేటా మొత్తాన్నీ సేకరిస్తాం-ఓ ప్రత్యేకమైన గుర్తింపూ ఉంటుంది. ఈ గుర్తింపు Q### రూపంలో ఉంటుంది. వివిధ భాషల్లో డేటాను చూపించేందుకుగాను, ఇది యంత్రాలకు అనుకూలంగా ఉంటుంది. కానీ మనుషులకు అంత వీలుగా ఉండదు.
ఈ యాత్ర మొదటి పనిగా ఈ సమస్యను పరిష్కరిద్దాం. భూమి యొక్క అంశం పేజీని పరిశీలిద్దాం రండి.
లేబుళ్ళు
ఈ అంశం పేజీని గుర్తించేందుకు ఒక సంఖ్య మాత్రమే ఉంది, గమనించారా? ఇది ఒక ప్రత్యేక గుర్తింపుసంఖ్య.
Q### లాగా ఉండే ఈ గుర్తింపుసంఖ్యలను గుర్తు పెట్టుకోవడాన్ని నివారించేందుకు, ప్రతీ అంశానికీ దానికి సరిపడే ఒక పేరు ఇస్తాం. ఈ పేర్లను లేబుళ్ళు అంటాం. వీటిని ప్రతీ అంశం పేజీలోనూ చేర్చాలి. వికీడేటా బహుభాషా సైటు కాబట్టి, ఈ లేబుళ్ళను ఏ భాషలోనైనా చేర్చవచ్చు (ఏయే భాషలను చూడదలచుకున్నారో మీరు కాన్ఫిగరు చేసుకోవచ్చు).
అర్థమయిందా? సరే! లేబులును ఎలా చేర్చాలో నేర్చుకునేందుకు బాణాన్ని నొక్కండి.
మార్చు
లేబులును చేర్చాలన్నా, మార్చాలన్నా సవరించు మీటను నొక్కండి (అలా నొక్కగానే, మీరు తరువాతి అంగకు వెళ్తారు కూడా).
లేబుళ్ళు చేర్చడం
ఆ టెక్స్టు ఫీల్డులో నొక్కి భూమి అనే లేబులును ఇవ్వండి.
లేబుళ్ళ గురించి మరింతగా
అదరహో!
లేబుళ్ళ గురించి కొంత ఉపయుక్త సమాచారం:
- లేబులు పేజీ పేరు లాంటిది. అంశం దేని గురించో ఇది వివరిస్తుంది. ఇది వీలైనంత చిన్నగా ఉండాలి. (ఉదా: "భూమి", "భూ గ్రహం")
- లేబుళ్ళు ప్రత్యక్షర విశిష్టంగా (యునిక్) ఉండనక్కర్లేదు. వివరణలు వీటిని విడదీస్తాయి -వీటి గురించి మరింతగా తరువాత.
- సర్వ సాధారణమైన పేర్లు వాడండి (ఉదా: "పిల్లి", "కుక్క")
వివరణలు
ముందే చెప్పినట్టు, లేబుళ్ళ మధ్య అయోమయాన్ని నివారించేందుకు వివరణలు ఇవ్వడం ద్వారా అంశం గురించి మరిన్ని వివరాలిస్తాం.
ఉదాహరణకు, "2007 ప్రకృతి డాక్యుమెంటరీ ఫిల్మ్", "నాలుగు క్లాసికల్ ఎలిమెంట్లలో ఒకటి" రెండూ కూడా "భూమి" అనే అంశానికి వివరణలు-ఈ రెండూ కూడా మనం నివసించే గ్రహం కాదు!
ఒకే లేబులుకు అనేక అంశాలుండొచ్చు, ప్రతీ అంశానికీ దాని ప్రత్యేక వివరణ ఉంటే చాలు.
Again, don't capitalize words unless they're proper names.
వివరణలు చేర్చడం
మన మొదటి వివరణను చేరుద్దాం రండి!
వివరణలను లేబుళ్ళ లాగానే ఎడిట్ చేస్తాం. టెక్స్టు ఫీల్డులో నొక్కండి. సౌర వ్యవస్థలో మూడవ గ్రహం అనే వివరణ భూమికి చక్కగా సరిపోతుంది.
వివరణల గురించి మరింత
బాగా చేసారు!
వివరణలను సృష్టించేటపుడు గుర్తుంచుకోవాల్సినవి:
- క్లుప్తంగా ఉంచండి-వివరణలు వాక్యాలు కావు.
- వీలైనంత సూటిగా, తటస్థంగా ఉంచండి-కాలగతిలో మారిపోయే సమాచారాన్ని, వివాదాస్పదం, పక్షపాతయుతమైన సమాచారాన్నీ చేర్చకండి.
- ఏం రాయాలో తట్టకపోతే, సంబంధిత వికీపీడియా వ్యాసం చూడండి. మొదటి రెండు మూడు వాక్యాల్లో మీకుకావలసిన సమాచారం దొరకొచ్చు.
అలియాసులు
చివరగా, మన అంశం గురించి చెప్పే ఒక్క సంగతి ఉంది. భూమికి ఇంకా వేరే పేర్లు ఏమైనా ఉంటే పేజీలో చేర్చండి.
ఓ అంశానికి ఉన్న ఇతర పేర్లను - ఓ వ్యక్తి యొక్క ఇతర పేర్లు, ఓ జంతువు యొక్క సాంకేతిక నామం లాంటివి - వికీడేటాలో అలియాస్ అంటారు. అలియాసులను చేర్చడం ద్వారా మీరు కష్టపడి మెరుగు పరచిన భూమి అనే అంశానికి ఉన్న ఇతర పేర్లను, వెతుకులాట పదాలనూ దానికి చేర్చడానికి ఉపయోగపడుతుంది.
మారుపేర్ల గురించి మరికొంత
అలియాసుల గురించి మరింత సమాచారం:
- ఒక అంశానికి ఒక భాషలో ఒకే లేబులు, ఒకే వివరణా ఉండవచ్చు. అలియాసులు ఎన్నైనా ఉండవచ్చు.
ఒక అంశానికి ఒకటి కంటే ఎక్కువ అలియాసులు చేర్చవచ్చు-చేరుస్తూ ఉంటే, కొత్త టెక్స్టు బాక్సులు కనబడుతూ ఉంటాయి.
ఇంతకీ, భూమికి ఓ చక్కటి అలియాసు ప్రపంచం
భద్రపరచు
మీ పని కాగానే, publishను నొక్కండి.
అభినందనలు!
అభినందనలు! మీరు అంశాల యాత్రను ముగించారు.
ఎడిటింగును కొనసాగిస్తారా? ఇక ప్రయోగశాలను దాటి అసలు సైట్లోకి వెళ్ళేందుకు మీరు సిద్ధంగా ఉన్నట్లైతే, కింది లింకులు చూడండి:
- ఓ యాదృచ్ఛిక అంశాన్ని మార్చండి
- బయటి ఉపకరణం టర్మినేటర్ ను వాడి లేబులుగాని, వివరణాగానీ లేని టాప్ 1000 అంశాలను చూడండి.
- లేబుళ్ళు/వివరణలూ లేని అంశాల జాబితా చూడండి
ఇంకా నేర్చుకుంటారా? యాత్రల కేంద్రానికి వెళ్ళేందుకు ఇక్కడ నొక్కండి.
ఇంకా సందేహాలున్నాయా? Talk to someone over live chat on IRC లో లైవ్ చాట్ ద్వారా ఎవరితోనైనా మాట్లాడండి: