ფენტეზი

ფენტეზი (ინგლ. Fantasy — ფანტაზია) — ლიტერატურული ჟანრი, ნამუსჷთ სიუჟეტიშ თარ ელემენტო გჷმორინაფილი რე მაგია დო შხვა ჟიორთაშობური მოლინეფი. თე ჟანრიშ ანდა ნაწარმის ქიმინჯალა მუთმოხვადუ გჷმოგონილ ორენს, სოდე მაზაკვალობა რე გოფაჩილი. თაშნეშე, შხირას მუთმოფხვადჷნა მითიური არსებეფი (დრაკონეფი, ჯუჯეფი, ტროლეფი დო შხვა). ომენცარე ფანტასტიკაშე გინორთელო, ფენტეზი ვერძენს უშულებუ მოლინეფიშ ლოგიკურ (ვარდა ფსევდო-ლოგიკურ) ენწყუმას. მორო, თე ჟირ ჟანრს ანდა მუდგაინ უღჷნა ოართე.

პოპულარულ კულტურას უმოსო გოფაჩილი რე ფენტეზიშ მედივალისტური ფორმა, გიშაკერზაფილო ჯ. რ. რ. ტოლკინიშ მარწკინდეფიშ მაზოჯალიშ წჷმოძინას უკული. ფართო გაგებათ, ფენტეზი იკათუანს ანდა ჭარუშ, რეჟისორიშ დო მუსიკოსიშ ნახანდუეფს, უჯვეშაში მითეფშე დო ლეგენდეფშე თეხანურ ნაწარმეფშახ.

რესურსეფი ინტერნეტის

• The Fantasy Genre Children's Literature Classics
• Writing Fantasy: A Short Guide To The Genre

ვიკიოწკარუეს^? რე ხასჷლა თემაშენ:

ფენტეზი