გორილა (Gorilla gorilla) — ქია პრიმატეფიშ რანწკიშე. რსხულიშ სიმაღალა — 175 სმ-შახ ონჭჷ, ხელეფიშ გოფაჩუაშ სიგანა — 260 სმ, წონა - 135-180 კგ (ჭკორალას 300 კგ-შახ). დადული ბრელით მერკე ზჷმაში რე (იწონუ 75-100 კგ, ჭკორალას — 126 კგ-შახ). გორილაშ ბოწოწი უჩა ფერიშ რე, კუნწულს ჭუბურიშფერი, ოჭიშის სირჩინუეს ერჩიალებუ. ტვინიშ ქოქაშ ნტირა 500-600 (კანკალეშ 752) სმ3. ტვინი აკოგაფათ ადამიერიშ ტვინს მოგენს. ჟილენი ბორკეფი გიმენიშე გჷნძე რე. ადამიერწკჷმა მოგვენობას ნორთობურო გოპიჯაფილი რე სქირონას რინაშ წესით. გორილა ხე ეკვატორულ აფრიკას. მითახორანა ტროპიკულ ტყალეფს ხუათ, ნამუსჷთ დუდენა ჸონიერი მუმულეფი. გილურსოთხი კუჩხით. ჭკომუნს ჩანარეფიშ გუმნაღელს, კანკარს დო შხვა. მოკათალა 250-290 დღას იგჷნძორებუ. ახლდჷნაბადი გორილა 2 კგ-შახ იწონჷ. შური უდგუ 25-30 წანაშ ხანს. ჭკორალას ჯგირო გინმიღანს, იმკიარებუ. სპორტული ჯინორუაშ შედეგო, გორილაქ ანდა აბანს გეშალჷ, თეშენ ასე ირდიხას თხილანა.
- Шаллер Д. Б., Год под знаком гопиллы, пер. с англ., М., 1968;
- ქსე, ტ. 3, გვ. 226, თბ., 1978
