თერგი

თერგი
დოხასიათაფა
სიგჷრძა	623 კმ
ღანჩოშ ფართობი	43,2 ვითოში კმ²
წყარიშ ნადუ
ოდუდე	ზილგახოხიშ ჯიშთი
ინაკათუუ	კასპიაშ ზუღა
ორენი
ქიანა	საქორთუო, რუსეთიშ ფედერაცია

თერგი — წყარმალუ საქორთუოს დო რუსეთის (ოორუე ოსეთი, ყაბარდო-ბალყარეთი, ჩეჩნეთი, ინგუშეთი, დაღესტანი). სიგირძა 623 კმ, ღანჩოშ ფართობი 43,2 ვითოში კმ². ოდუდე უღუ კავკაციონიშ ზილგახოხის ჯიშთის. ოდუდეშე 30 კმ-ის გეჸუნს კავკაციონიშ თარი დო ხასჷლაშ ქჷნდჷრეფს შქას, ოფუტე კობიწკჷმა ურთანს ოორუეშ ჸურე დო გინმოკვათუნს ხასჷლაშ ქჷნდჷრს (დარიალიშ ლეხერი), უკული არხამი ქჷნდჷრს დო უჩა გვალეფს. ტიოზიშა გიშულაშ უკული თერგი ინოჸელებუ. წყარმალუ სუნჯაწკჷმა აკოართაფაშ უკული გეჸუნცს კასპიაშ პიჯიშ ტიოზის დო აკმაართაფუ კასპიაშ ზუღას. მიშაკათაფუწკუმა ორჩქინანს დელტას, ნამუშ ფართობი რე 4 ვითოში კმ².

თერგიშ წანმოწანური ხარჯი ნოღა ვლადიკავკაზწკჷმა რე 34 მ³/ წმ. ინძგილუ ხვალე კონწარ ზოთოჯის. თარი ნადუეფი რე: კვარჩხანი - არდონი, ურუხი, მალკა; მარძგვანი - სუნჯა. საქორთუოშ ტერიტორიას - სნოსწყალი. თერგი ეთმიჯუმუაფუ ჯიშთიშ დო ჭვემაშ წყარეფით; ახასიათენს წყარალა წარმოწანაშ ტიბუ პერიოდეფს, უმენტაშო კვირკვე-მარაშინათუთას. გიმირინუანა ოწყარალო. ნოღა მოზდოკიშ ჟიშე თერგიშე გოჸონაფილი რე თერგი-კუმის ორწყალი არხი. თერგიშ აუზის რე ჰესეფი: ბაქსანია, გიზელდონისა დო შხვა. თერგი ნდიდარე რე ჩხომეფით: კალმახი, თერგიშ ორაგული, კობრი, ფარგა დო შხვა). საქორთუოშ ოურდუმე შარაშ ნორთი გიშმურს თერგიშ ლეხერს. თერგიშ პიჯის იდვალუაფუ დაბა სტეფანწმინდა, თაშნეშე ნოღეფი: ვლადიკავკაზი, მოზდოკი დო ყიზლარი.

ლომეკი, რე თერგიშ ართ-ართი ისტორიული ჯოხო ქართული წყუეფიშ მეჯინათ.

ლიტერატურა

ქორთული სხუნუეფიშ ენციკლოპედია, ტ. 4, ხს. 657, ქართი, 1979 წანა.