მაპუტუ (პორტ. Maputo), ზოხორინალაშახ ჩინებული, მუჭოთ ლორენსუ-მარკიში (პორტ. Lourenço Marques) — მოზამბიკიშ ნანანოღა დო უშხუაში ნოღა, ნამუთ ქიანაშ ობჟათეშე იდვალუაფუ. შხირას ნოღაშა „ლაკაციეფიშ ნოღა“ უჯოხონა, თი ფაქტიშ გეშა, ნამჷ-და ინდოეთიშ ოკიანეშ ოწყარპიჯე ჯალონას ლაკაციაშ ჯალეფი რანწკას ჩანს. ამდღარშო, მაპუტუ ონიშოლი ნოღა რე ინდოეთიშ ოკიანეს; ნიშორინიშ ელმოლს იკონცენტრირებუ ნოღაშ ეკონომიკა. იწარმებუ ცემენტი, კერამიკა, დგიმი, ჩაფლა, რეზინი. 2007 წანაშ ეჭარუაშ მუნაჩემეფით, ნოღას ოხორანდჷ 1 766 184 ადამიერი.[1] ნოღას ემოლშე ომძღჷ მაპუტუშ პროვინცია.
| შილა
|
|
|
მაპუტუშ მახორობაშ დოხოლაფირო 80% ჯურღუმეფს, ოშუმალი წყარიშ დო ელექტროენერგიაშ უმუშო ოხორანს. ინფრასტრუქტურაშ დაკვანწაფალო ნოღაშ ბიუჯეტიშ ფარა ვაბაღჷ.[2] თეშ უმკუჯინალო, ბოლო წანეფს მაპუტუშ წანმოწანურ ეკონომიკურ ძინაქ 9% აკადგინჷ, მორო კინ პრობლემათ სქიდუ უწორწობა.[2]
მაპუტუ, ტურისტული მანჯღვერე Wikivoyage-ს
