ტატრეფი

ტატრეფი (სლოვაკ. Tatry; პოლ. Tatry) — გვალაშ მასივეფი კარპატეფს, პოლონეთის დო სლოვაკეთის. მაღალი ტატრეფიშ მაქსიმალური სიმაღალა რე 2655 მ (გერლახოვსკი-შტიტი), დაბალი ტატრეფიში — 2043 მ (გვალა დიუმბიერი). შანულამი კონკეფი: ლომნიცკი-შტიტი (2634 მ), ლადოვი-შტიტი (2627 მ) დო რისი (2503 მ). ტატრეფი უმენტაშო აკოგაფილი რე გრანიტეფით, გრანოდიორიტეფით დო კირქუეფით. რელიეფი ალპური რე. რე ჯვეში გოჸინუაშ შანეფი, კარსტული ფორმეფი. კართეფს 1500 მ-შახ ჩანს ნუზონათ, ესვარილი რე ფიჭვი, სვაჭა, წიფური.

ტატრეფი
გერლახოვსკი-შტიტი
კოორდინატეფი: 49.166667,20.13333349°10′00″ ოორ. გ. 20°08′00″ ელ. გ.
ორენი		სლოვაკეთი  პოლონეთი
სიმაღალა		2655

1900 მ-შახ ჯაღჷრა ორტყაფუ რე, 2250 მ-შახ სუბალპური დო ალპური დოლოეფი. ტატრეფს რე გვალაშ კლიმატური კურორტეფი. გოვითარაფილი რე ალპინიზმი, ტურიზმი, ოგვალე-ოთხილამურე სპორტი. მაღალი ტატრეფიშ გას გინმურს ოგვალე-საბაგირე რზა. რე ერუანული პარკეფი. ტატრეფს გოვითარაფილი რე ალპეფიშ მოგვენი კლიმატი.

დჷმახასიათაფალი რე ტაროსიშ შხირი თირუა, ტემპერატურაშ შანულამი ძანძუა, ძალამ კაბეტი მუნაფუა დო უმენტაშო თირიშ სახეთ რინელი ატმოსფერული ნოლექეფი. ტატრეფს შხირას გუთმოსხუნჷნა მუჭოთ ქჷნდჷრეფიშ ართამ სისტემას, ნამუთ იკათუანს სორხველ ტატრეფს (მაღალი ტატრეფი) დო დაბალ ტატრეფს.

ქოძირით თაშნეშე

• პოლონეთიშ ტურიზმი

ლიტერატურა

• Lacika, Ján (2006). Tatras, 2nd. Bratislava. ISBN 80-88975-95-6. 
• (2006) Walking in the High Tatras, 2nd, Cicerone Press (Milnthorpe). ISBN 9781852844820. 

რესურსეფი ინტერნეტის

• ტატრეფი (ინგლისური) — სტატია ენციკლოპედია ბრიტანიკაშე
• ტატრეფი — სტატია დიდ რუსულ ენციკლოპედიაშე (რუს.)