צעטיילונג

צעטיילונג אדער חילוק איז איינע פון די גרונט רעכענונגען פון אריטמעטיק. זי איז די פארקערטע אפעראציע פון טאפלונג.

$20:4=5$

דעפיניציע

אין דעם פעלד פון ראציאנאלן, רעאלן אדער קאמפלעקסע צאלן: פאר יעדער צאל $a$ און יעדער נישט נול צאל $b$, געפינט זיך גענוי איין צאל $x$ וואס לייזט די גלייכונג

$b\cdot x=a$   (וואס מען ליינט „b מאל x באטרעפט a“ ).

אין דעם פאל זאגט מען אז $x$איז די צאל וואס מען באקומט ווען $a$ ווערט צעטיילט דורך $b$. אין סימבאלן:

$x=a:b\,$   (וואס מען ליינט „ a צעטיילט דורך b באטרעפט x“ ).

מען שרייבט אויך

$x=a/b\,$

צעטיילן דורך 0 איז נישט מעגלעך.