Thó-lūn:Chúi

Kiat-kò͘

Chit phiⁿ ê tē 2 kah tē 4 pha lóng sī teh kóng chúi tùi seng-bu̍t ê lō͘-iōng, hoān-sè ē-sái ha̍p-pèng iah-sī khǹg liân-soà. A-giâu 19:28, 18 Cha̍p-it-goe̍h 2006 (UTC)

水

水道頭出來的水。

水是地球頂上蓋普通的液體，水無色水，鼻起來佮啖起來嘛無味，湖、海、河佮溪內底攏是水，對天頂落落來的水就是雨水，水若冷甲一个程度，就會堅凍，煞變做冰抑是雪，若準水拄燒甲一个程度，伊就會滾，變做水煙。

植物、動物和人攏著食水才會活，因為水佇活物的體內有太濟路用佇咧，比論講，水是汗、血、喙瀾佮尿上主要的成份，汗予身體袂傷熱，血對胃腸共營養送去到身體的逐个部份，予人會活，喙瀾幫贊人佮動物共食物消化，尿共(禾黑)的化學品送離開身體。

水嘛是飲料主要的成份，比論牛奶、果汁佮酒攏是，逐款飲料攏另外有加味或者是營養成份，親像糖、果子抑是酒精，鶴佬話四常共煮過，會啉得的水叫做茶抑是白茶，泡茶米的提另外共號做茶米茶。

佇生物學來講，水對細胞誠重要，因為水會當共不止仔濟物件消溶，水成做化學反應的媒介，予化學反應通發生，食的物質嘛透過水送去規身驅每一个所在，水予咱保持固定的溫度，體溫傷懸的時，咱流出來的汗若焦去，溫度自然就降落來，水嘛共身體內底無路用佮有毒的物件透薄，變做尿，通排出體外。

照化學來講，水分子是用二个氫原子(H)佮一个酸素原子(O)組成的，伊的分子式是H₂O。

其他語言的連結

• 這个英文網站教咱按怎通啉著清氣的水