Goā-lâi-gú

Gōa-lâi-gú (外來語; Chiang-chiu-khiuⁿ: gōa-lâi-gí) he̍k-chiá chioh-iōng-gú (借用語; Eng-bûn: loanword) sī chi̍t chióng gí-giân ùi pa̍t chióng chioh lâi sú-iōng ê giân-sû.

Tofu sī Eng-gí lāi-té chi̍t-ê ùi Ji̍t-gí lâi ê gōa-lâi-gí, tī Ji̍t-gí lāi-bīn, i mā-sī Hôa-gí thâon ji̍p--khì ê gōa-lâi-gí.

Iōng-gí

Tī Eng-gí kóng ê loanword, sī chí bô keng-kòe hoan-e̍k he̍k-chiá taⁿ kái sió-khóa to̍h ti̍t-chiap chioh ji̍p chāi-lâi giân-gí sú-iōng ê gōa-lâi-gí. Tī Tek-gí giân-gí-ha̍k kài, ū chi̍t jī sī Fremdwort, sī kóng gōa-lâi-gí tang-tiong ho͘-im, tàu-jī, khut-chiat (inflection) kap sèng-pia̍t téng sèng-chit iáu bô chin ha̍h chāi-tē giân-gí ê chi̍t khoán.

Tī Ji̍t-gí, gōa-lâi-gí (外来語 gairaigo) chú-iàu sī leh kóng m̄-sī keng-kòe Hàn-jī ín ji̍p ê gōa-gí jī, it-poaⁿ choán chò katakana kì-siá.