Hûi

Hûi (硘), a̍h-sī hûi-á, mā kiò-chòe tô-chû (陶瓷), sī tô (陶) kah chû (瓷) ê thóng-chheng.

Hun-lūi

Hûi àn-chiàu bô-kâng ê châi-chit, ēng-tō͘, khì-hêng téng-téng ū bô-kâng ê hun-lūi.

Bô-kâng ê châi-chit, bô-kâng ê sio-siâⁿ un-tō͘, sio--chhut-lâi ê sī bô-sâng ê hûi, ū bô-sâng ê ēng-tō͘. Chú-iàu ū ē-kha kúi chéng:

Pe̍h-hûi (白硘): Pe̍h-hûi sī thoân-thóng ê ko-phín-chit ê hûi, chú-iàu ēng-lâi chò pu̍t-siōng, tê-kū, óaⁿ, pôaⁿ, téng-téng ê ko-kip kang-gē-phín kah ji̍t-ēng-phín ê. Sio-siâⁿ un-tō͘ koân.
- Ko-un-hûi (高溫硘): Sio-siâⁿ un-tō͘ Liap-sī 1300-tō͘ í-siōng, ēng-lâi sio ko-kip kang-gē-phín.
- Tiong-un-hûi (中溫硘): Sio-siâⁿ un-tō͘ tī 1230 kàu 1300-tō͘ chi-kan, chú-iàu ēng-lâi chò má-khek-poe, pôaⁿ, tê-kū téng-téng.
Chí-sa (紫砂)
Khin-chhit-hûi (輕質硘): Khin-chit-hûi, kán-chheng khin-chit, sī ēng khin-chit-thô͘ (khin-chit pe̍h-hûn-thô͘) sio-siâⁿ ê hûi, sǹg-sī tô-khì, sī āu-piah chhut-hiān ê, chú-iàu ēng-lâi seng-sán kùi-chiat-sèng, chhiok-siau lé-phín ê hûi. Sio-siâⁿ un-tō͘ 1080-tō͘.
Tāng-chit-hûi (重質硘): Tāng-chit-hûi, kán-chheng tāng-chit, sī ēng tāng-chit-thô͘ (tāng-chit pe̍h-hûn-thô͘) sio-siâⁿ ê hûi, sio-siâⁿ un-tō͘ pí khin-chit-thô͘ koân 10-tō͘ chó-iū.
Âng-thô͘-hûi (紅塗硘): Sī ēng âng-thô͘ sio-sêng ê hûi, chú-iàu sī ēng-lâi seng-sán tê-kū, hoe-phûn, téng-téng. Khó-í bô͘-hóng chí-sa ê hāu-kó.