Sûi-chāi-sèng

Sûi-chāi-sèng (Eng-gí: randomness) sī sū-kiāⁿ bô hoat-tō͘ chhui-chhek ia̍h sī khiàm hêng-sek ê sèng-chit. Sûi-chāi ê liân-sio̍k chi̍t cho͘ su-kiāⁿ, hû-hō, ia̍h pō͘-sò͘, sī bô sūn-sī, mā bô tòe jīn-hô thang liáu-kái ê hêng-sek kap cho͘-ha̍p leh leh kiâⁿ. Kò-pia̍t ê sûi-chāi sū-kiāⁿ sī bô hoat-tō͘ thui-chhek--ê, chóng-sī chin chē chêng-hêng tang-tiong tōa sò͘-liōng ê sū-kiāⁿ, in bô-kâng kiat-kó chhut-hiān ê pí-lu̍t sī ū ē-tàng thui-chhek--ê. Pí-lūn nā khian nn̄g lia̍p tâu-á, ta̍k pái khian ê kiat-kó sī bô thang seng-chai--ê, m̄-koh ē-tàng àn-sǹg 7 cho͘-ha̍p chhut--lâi ê khó-lêng sī pí 4 ke siang-pōe.