Sim-tiān-tô͘
Sim-tiān-tô͘ (EKG, Tek-gí Elektrokardiogramm ê sok-siá) sī liân-soà kì-lio̍k sim-chōng tiān-ap oa̍h-tōng ê tn̂g-tiâu-tô͘ (strip graph). I sī sim-chōng tiān-seng-lí-ha̍k (cardiac electrophysiology) ê chú-iàu ke-si, ū chín-toān sim-chong-hoeh-kin pēⁿ ê lō͘-iōng. Sim-tiān-tô͘ bô chhek sim-chōng ê siu-sok-sèng (contractility).
Lō͘-iōng
siu-kái
EKG ū chē chē iōng-hoat:
- Phoàⁿ-toān sim-chōng ê kong-lêng sī chèng-siông ia̍h hoán-siông (pí-lūn ke--chhut-lâi ia̍h làng--koè ê sim-thiàu, hō chò sim-lut-put-chéng, cardiac arrhythmia/dysrhythmia).
- Hoat-hiān sim-chōng ki-jio̍k kio̍k-pō͘ khoeh-hoeh (ischemia, chhiūⁿ kóng chò ūn-tōng nāi-sèng chhek-giām (exercise tolerance test) ê sî-chūn) ia̍h tio̍h-siong ("sim-chōng-pēⁿ hoat-chok").
- Chhek tiān-kái-chit (electrolyte) koh-iūⁿ, te̍k-pia̍t sī K, Ca, Mg.
- Hoat-hiān tiān thoân-tō bô chèng-siông (chhiūⁿ sim-chōng thoân-tō chó͘-tn̄g/heart block).
- Thê-kiong koan-hē sim-chōng bu̍t-lí chōng-hóng ê chu-liāu (chó-sim-sek pûi-tut/left ventricular hypertrophy)
- Sim-chōng í-goā ê pēⁿ (hì-chhoan-that/pulmonary embolism).
Goân-lí
siu-káiSim-tiān-tô͘ ê ki-khì (sim-tiān biô-kì-khì) iōng tiān-liû-kè (galvanometre) chhek sin-khu kúi-ā-ūi tiong-kan ê tiān-ūi (electrical potential). Ta̍k ê chhek ê chó͘-ha̍p hō chò tō-thêng (lead). Siōng phó͘-phiàn ê sim-tiān-tô͘ chhek 12 ê tō-thêng, hō chò 12 tō-thêng sim-tiān-tô͘ (12-lead EKG). Tō-thêng I, II, III (limb leads) ùi kha-chhiú niû tiān-ūi:
- I: chiàⁿ-chhiú kap tò-chhiú tiong-kan ê tiān-ūi.
- II: chiàⁿ-chhiú kap tò-kha tiong-kan ê tiān-ūi.
- III: tò-chhiú kap tò-kha tiong-kan ê tiān-ūi.
Kî-thaⁿ ê 9 ê tō-thêng ùi kha-chhiú tō-thêng ê tiong-sim-tiám sǹg--chhut-lâi, tō sī tiong-sim-tiám hām I, II, III ê tiān-ūi (hō chò aVR, aVL, aVF) kap tiong-sim-tiám hām 6 ê sim-chōng-chêng (precordial) tō-thêng (V1-6) ê tiān-ūi.
Chit 12 ê tō-thêng sûi-ê te̍k-pia̍t sek-ha̍p kì-lio̍k sim-chōng bô kāng pō͘-ūi:
- Ē tō-thêng (inferior leads): II, III and aVF; ùi sim-chōng ê ē-té piah (chó-sim-sek ê sim-chiam/apex) chhek tiān oa̍h-tōng.
- Kiⁿ tō-thêng (lateral leads): I, aVL, V5 and V6; ùi sim-chōng ê kiⁿ-á piah chhek tiān oa̍h-tōng.
- Thâu-chêng tō-thêng (anterior leads): V1 chì V6; ùi sim-chōng ê thâu-chêng piah chhek tiān oa̍h-tōng.
- aVR hán-tit iōng lâi chò chín-toān, chú-iàu ê lō͘-iōng sī hián-sī EKG tō-thêng ū chèng-khak ia̍h bô.
Liáu-kái sim-chōng chèng-siông kap bô chèng-siông ê tiān-la̍t hiòng-liōng, tùi lîm-chhn̂g ê lí-kái ū toā lō͘-iōng.
Chèng-siông ê EKG
siu-kái
Chèng-siông ê sim-thiàu oē--chhut-lâi ê EKG it-poaⁿ ū 1 ê P pho, 1 ê QRS complex, 1 ê T pho. Ū sî-chūn oan-ná ē chhut-hiān U pho.