Thih-phiò

Thih-phiò (鐵票), sī kóng bó͘ chi̍t-kóa soán-bîn, in-ê soán-kí tâu-phiò ì-hiáng, ka-kī chá ū koat-tēng, bōe siū gōa-kài bô-kāng ê kiàn-gī kap bîn-tiàu chó-iū, kan-na ē siū sio-siāng ê gōa-chāi in-sò͘ kiông-hòa, pí-lūn siū-tio̍h só͘-sio̍k siā-thoân, thoân-thé ê pió-iông, he̍k-chiá kûn-thé jīn-tông. Thih -phiò soán-bîn iā ē-sái khòaⁿ chòe sī bó͘ hāu-soán-jîn ê tiong-sêng ài-hó͘ⁿ-chiá, in ē in-ūi hit-ê hāu-soán-jîn ê sêng-kong lâi khoài-lo̍k. Thih-phiò iā ē-tàng kái-tho̍k chòe bó͘ chi̍t-kóa soán-bîn tn̂g-kî chi-chhî bó͘ chi̍t-ê chèng-tóng, m̄ kan-na sī tan-it ê hāu-soán-jîn.

Siong-tùi soán-kí thih-phiò, koh ū lēng-lūi soán-bîn, hō-chòe iû-lī-phiò.

Kiàn-li̍p "thih-phiò soán-bîn" ê tô͘-kèng, ài ùi pêng-siông-sî “sè-súi tiông-liû" chò khí, tian-tó goân-pún put-móa ê soán-bîn, iā khó-lêng ùi thih-phiò choán-hòa chòe "iû-lī-phiò".

Thih-phiò ê hó-chhú sī hō͘ chèng-thoân ē-sái tit-tio̍h ún-tēng ê chi-chhî ki-chhó͘, tō-sǹg lo̍h-pāi ia̍h ē-sái î-chhî it-tēng ê sè-le̍k. Lēng chi̍t hong-bīn, chèng-thoân su-iàu koan-sim chi-chhî-chiá ê ì-kiàn, pī-bián tit-sit.