回族
回族（粵拼：wui4 zuk6；小兒經：حُوِحُوِ 、 حواري；中國標準羅馬字：Hui，字母代碼：HU，數字代碼：03[2]），又叫
| 回族 حواري / حُوِحُوِ | |
|---|---|
| 總人口 | |
| 1058萬6087人[1] | |
| 分佈地區 | |
 中華人民共和國 | |
| 語言 | |
| 回回話 | |
| 宗教信仰 | |
| 清真教 |
歷史同文化
編輯回族起源於外貿興盛嘅唐元兩代，當時有好多阿剌伯人、波斯人呢啲外國穆斯林經中亞、印度洋來中國定居，同中國人（主要係漢人）彼此通婚，慢慢形成回族。喺回族社區入邊往往會有清真寺呢啲聖廟。語言上講唐話，但涉及宗教時（清真）會有阿剌伯話、波斯話、突厥話嘅語彙。人名上同漢人唔會好唔同，不過其中姓馬嘅人好常見，呢個姓係取自清真先知模罕默德個名。回族同其他民族如漢族混居而和平共處，佢哋據清真教法生活，所以從飲食習慣到冠婚葬祭，生活方式同漢人好唔同，就呢啲唔同成為民族區分嘅根據。佢哋嘅文化特點相近於伊朗嘅波斯人。
清朝時對漢族出身嘅穆斯林默認爲「回民」或者「漢回」。到共和國時期就要喺班穆斯林中做民族識別。喺民族識別之初，應回民要求設咗「回族」呢個民族範疇[3]，不過嗰時民族政策睇血統，有唔少唔信清真教嘅人因為血緣劃咗去回族。亦都有啲人因為中國法制上少數民族有優待政策而叫自己做回族，於是有啲「回族」係唔信教、唔屬回族文化，有啲穆斯林反而叫係「漢族」。
清末時中國西部如甘肅有回民造反，畀清朝鎮壓後，有部分回民去咗沙俄治下嘅中亞定居。佢哋嘅子孫家下叫做東干人，住喺蘇聯曾經統治嘅哈薩克、吉爾吉斯、俄羅斯（大部分喺韃靼共和國）。
廣府回民
編輯廣府好早就有回民，廣州作為海上絲路起點，自唐朝開始就係個國際都會，形成咗蕃坊呢個僑民區，其中大部分係中東穆斯林，自此，廣州成為中國最早傳入伊斯蘭文化嘅地方之一，伊斯蘭文化亦都有貢獻到廣府文化。
廣府回民來源有二，一係唐宋落籍嘅中東後裔，二係元明從國內其他地方遷來嘅回民。[4]
而家廣州回民唔算聚居，喺懷聖寺一帶多啲。雖然廣州係中國最早有回民嘅地方之一，但而家係最少回民嘅地方，原因在於[5]：
- 最大嘅原因：明末時，清軍攻打廣州，當時有回民三將領（後譽教門三忠[6]）：馬承祖、羽鳳麒、撒之浮死守廣州，城破殉職，喺廣州屠城時對回民大開殺戒，毀壞經堂，到康熙時先恢復。
- 回民聚居喺各清真寺，其中南勝里最多，稱之為回回村，後來開馬路，遣散咗族群。
飲食
編輯回民飲食最典型係唔食豬肉，此外重有諸多講究，同選料不拘一格嘅粵菜大不同，比如禁酒，唔食自然死嘅嘢、紅，唔食勒、打、跌而死嘅畜生，唔食清真教視之為污糟、有害、古怪嘅嘢。舊時回民買得禽畜，都要送清真寺請人劏，限制好多。
但限制之下亦都發展出清真粵菜。清真菜口味比較濃，整牛羊肉之類嘅嘢一流，而清真粵菜就回菜粵做，融匯一濃一淡嘅風味，另外就係從選料到製作、出品會合乎教法。目前廣州西門口嘅回民飯店係全國唯一嘅清真粵菜飯店。[7]
回民亦都創造出獨具特色嘅點心小食，比如清真月餅，其中最出名嘅有油香餅（又叫教門油香餅）[8]、牛雜[9]、和味蘿蔔。
教育
編輯回民重視教育，廣州嘅清真寺曾經專門開辦經堂，類似於教會學校噉設宗教、文化兩類科目，教經文、教義、阿剌伯文。到咗共和國時期就成立回民小學，不過就驅除宗教。
歷史遺跡
編輯自治地方
編輯睇埋
編輯攷
編輯- ↑ China - The Hui Ethnic Group
- ↑ 〈中國各民族名稱的羅馬字母拼寫法和代碼〉。中國社會科學院民族研究所。1992年4月1號。原著喺2011年11月15號歸檔。喺2015年4月6號搵到。
- ↑ 回族嘅民族意識源自回族經歷到嘅自清代到民國嘅歷史背景、政治經濟狀況，以及佢個族群喺語言、血統、宗教上意識到嘅嘢。另外漢人對回民嘅差別意識、中華人民共和國嘅民族自決意識都促成回民嘅族群意識。
- ↑ 廣州回族文化雜錦[失咗效嘅鏈]
- ↑ 〈50年前的廣州回教〉。原著喺2016年3月4號歸檔。喺2013年9月23號搵到。
- ↑ 〈廣州圖書館：回教三忠墓〉。原著喺2013年4月6號歸檔。喺2013年9月23號搵到。
- ↑ 〈廣州回民飯店 促進民族團結的窗口〉。原著喺2016年3月4號歸檔。喺2013年9月23號搵到。
- ↑ 〈老廣州最愛油香餅 童年美味回憶何處尋〉。原著喺2015年6月7號歸檔。喺2013年9月23號搵到。
- ↑ 〈港式牛雜由來〉。原著喺2016年1月2號歸檔。喺2013年9月23號搵到。
- ↑ 〈我國伊斯蘭教重要古蹟 清真先賢古墓〉。原著喺2013年6月1號歸檔。喺2013年9月23號搵到。
- ↑ 〈明代廣州的達官兵〉。原著喺2013年4月11號歸檔。喺2013年9月23號搵到。
