曹芳
曹芳（粵拼：cou4 fong1；232年—274年），字蘭卿（laan4 hing1），係三國時第三位魏國皇帝，曹叡嘅便宜仔[1]。
239年1月，魏明帝曹叡過身，之後由曹芳繼位。曹芳在位嗰時並冇實權，朝廷俾大臣司馬懿同埋曹爽控制[2]。249年，曹爽喺政治鬥爭入面輸畀司馬懿，朝廷就咁樣俾司馬懿控制咗[3]。251年司馬懿死咗之後，佢個仔司馬師繼續控制朝廷[4]。曹芳諗住搶返啲權力，於是搵咗夏侯玄、張緝同埋李豐三個大臣一齊傾計劃，佢哋計劃由夏侯玄嚟做大將軍。點知件事俾司馬師知道咗，夏侯玄等人俾處死[5]。254年，曹芳自己亦都俾司馬師迫落台，廢為齊王[6]。之後司馬師另立曹髦做魏國皇帝。西晉建立之後，司馬炎貶曹芳做邵陵縣公。274年，曹芳逝世，享年43歲[7]。
參攷
編輯引用
編輯- ↑ 《三國志·魏書四·三少帝紀》：齊王諱芳，字蘭卿。明帝無子，養王及秦王詢
- ↑ 《三國志·魏書四·三少帝紀》：大將軍曹爽、太尉司馬宣王輔政。
- ↑ 《三國志·魏書四·三少帝紀》：太傅司馬宣王奏免大將軍曹爽、爽弟中領軍羲、武衞將軍訓、散騎常侍彥官，以侯就第。戊戌，有司奏収黃門張當付廷尉，考實其辭，爽與謀不軌。又尚書丁謐、鄧颺、何晏、司隷校尉畢軌、荊州刺史李勝、大司農桓範皆與爽通姦謀，夷三族。
- ↑ 《三國志·魏書四·三少帝紀》：戊寅，太傅司馬宣王薨，以衞將軍司馬景王為撫軍大將軍，錄尚書事。
- ↑ 《三國志·魏書四·三少帝紀》：庚戌，中書令李豐與皇后父光祿大夫張緝等謀廢易大臣，以太常夏侯玄為大將軍。事覺，諸所連及者皆伏誅。
- ↑ 《三國志·魏書四·三少帝紀》：秋九月，大將軍司馬景王將謀廢帝，以聞皇太后。甲戌，太后令曰：「皇帝芳春秋已長，不親萬機，耽淫內寵，沈漫女德，日延倡優，縱其醜謔；迎六宮家人留止內房，毀人倫之叙，亂男女之節；恭孝日虧，悖慠滋甚，不可以承天緒，奉宗廟。使兼太尉高柔奉策，用一元大武告于宗廟，遣芳歸藩于齊，以避皇位。
- ↑ 《魏世譜》：晉受禪，封齊王為邵陵縣公。年四十三，泰始十年薨，謚曰厲公。