榕
想搵至常指嘅榕樹嘅話，請睇細葉榕。 想搵第二個意思嘅話，請睇榕 (搞清楚)。 「大榕樹」跳轉到呢度。想搵佢嘅同名地理或景區，請睇「大榕樹 (搞清楚)」。榕（粵拼：jung4；學名：Urostigma），通稱榕樹（jung4 aa3 suk6），植學嗌榕亞屬（jung4 aa3 suk6），係桑科嘅常綠大喬木，一般喺熱帶同亞熱帶嘅地區入面先至可以見到佢。
 | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
| 物種分類 | ||||||||||||||||||
|
呢樖嘢係植物界入面，最大樹冠嘅植物，有「獨木成林」嘅名。
形態
編輯榕樹之所以有「獨木成林」嘅名，主要係佢喺樹枝上面髧好多向下生嘅氣根落嚟，係落咗地下之後，又變成支柱根。由於佢搞出咗柱根相連相襯同枝葉擴展嘅嘢，所以就搞咗遮天蔽日同獨木成林嘅嘢。如估係真正嘅大榕樹，樹冠嘅投影面積可以去到1ha（10000㎡）咁大，可以畀1000人嘅集體入去避太陽光嘅。
根
編輯榕樹嘅氣根係唔單止最顯眼嘅，甚至喺植物界入面都比較出名吓，而佢啲根可以分成：
- 普通根：一般埋喺地下入面嘅根；
- 地表根：成日出喺樹幹基嗰度，喺泥土表面就成日見到佢，而且係周圍飆。甚至可以搞成個網噉；
- 氣根：從樹枝下面或主幹表面生出嚟，好似髮絲噉嘅樣；
- 連生根：氣根衍生出嚟嘅品種。喺掂到泥土之後就加粗到木管噉，甚至有部分冚到主幹或樹枝嘅表面；
- 根座：連生根衍生出嚟嘅品種。同連生根唔同，佢係遠離主幹嘅木管品種。
果
編輯重有一個話榕樹之所以「獨木成林」，主要係佢嘅果係扁圓，一般都生喺葉杈。雖然話佢嘅果實直徑唔夠1cm到，但係可以用嚟食嘅。不過由於佢啲核識得好快生樖嘢出嚟，加上附近有好多雀仔喺度飛或喺橫風橫雨天氣嗰陣，搞到佢啲核猛咁生嗮喺雌樹嗰度吸收佢啲營養，所以就有垂直嘅氣根髧出嚟，而呢啲氣根可以吸收喺潮濕嘅空氣入面啲水份，而入咗地下嘅支柱根，重加咗喺泥土入面吸收水份同無機鹽嘅作用。所以又一個點解榕樹可以獨木成林喇。
主要分佈地區
編輯呢啲樹喺斯里蘭卡、菲律賓、印度、馬來西亞、緬甸、越南、泰國、日本、澳大利亞、巴布亞新幾內亞 、 臺灣，中國嘅廣西、廣東、福建、浙江南邊、雲南、貴州同海南地區、香港都可以見到。
品種
編輯文化
編輯榕樹喺全球各地嘅文化入面，都幾出名吓。
廣州六榕
編輯喺廣州越秀區嘅中山六路同百靈路之間嘅位嗰度，有個地名嗌「六榕」嘅名，而呢啲地方就係因為之前有間六榕寺響度先至改成噉嘅名。而所謂嘅六榕寺，就喺大宋嗰時，蘇軾嚟咗嗰頭因為發現咗間寺，後嚟之前嘅名唔接地氣先至按寺入面嘅6樖榕樹響度先至改咗而家嗌「六榕寺」嘅名。
桂林大榕樹
編輯喺桂林陽朔嘅十里畫廊景區入面，有個景區嗌「大榕樹」，佢主要係入面種咗樖佔地面積4畝咁大嘅榕樹而出名。而家亦成為桂林山水甲天下嘅景區之一。
文獻
編輯西晉嵇含《南方草木狀》卷中嘅記載：「榕樹，南海桂林多植之，葉如木麻，實如冬青。樹榦拳曲，是不可以為器也；其本稜理而深，是不可以為材也；燒之無焰，是不可以為薪也。以其不材，故能久而無傷；其蔭十畝，故人以為息焉。而又枝條既繁，葉又茂細，軟條如藤垂下，漸漸及地；藤稍入地，便生根節，或一大株有根四五處，而橫枝及鄰樹即連理。南人以為常，不謂之瑞木。」
唐人劉恂喺《嶺表錄異》卷二嘅記載：「榕樹，桂廣容南府郭之內多栽此樹。葉如冬青，秋冬不凋。枝條既繁，葉又蒙細，而根須繚繞，枝幹屈盤。上生嫩條如藤垂，下漸及地，藤梢入土，根節成一大榕樹。三五處有根者，又橫枝著鄰樹，則連理。南人以為常，又謂之瑞木。」
參考嘅書
編輯- 中国少年儿童百科全书（自然·环境） 第465——466页 浙江教育出版社 ISBN·7-5338-1946-2/G·1942
- 植物百科（中国儿童课外必读） Google 图书
- 昆明植物研究所。〈榕树〉。《《中国高等植物数据库全库》》。中国科学院微生物研究所。喺2009-02-24搵到。
出面網頁
編輯
- 榕树（桑科榕属乔木类植物） 好搜百科
- 榕树 植物通
- 榕树 中文百科
- 为什么榕树能独木成林？ 蝌蚪五线谱
- 你身边的中药---榕树及气根，果、叶、皮的作用与功效 360个人图书馆
- 榕樹葉功效和作用 中草藥大全
- 榕树的食疗或药用价值 护花网
- 360° panoramic photo of banyan tree
- Stranglers and Banyans, palomar.edu
- Plant Cultures: Banyan tree history and botany, plantcultures.org.uk